რუსეთის საფეხბურთო ნაკრების მთავარი მწვრთნელის ვალერი კარპინის მეუღლე დარია კარპინამ განაცხადა, რომ ევრო 2024-ზე საქართველოსა და გერმანიას უქომაგებს."ევროპის ჩემპიონატზე საქართველოსა და გერმანიის ნაკრებების გულშემატკივარი ვიქნები. 2006 წლის მუნდიალის დროს გერმანიაში ბანაკში ვიმყოფებოდი და ამ ქვეყნის ფანების ქომაგობით აღვფრთოვანდი.
მესი თუ რონალდო? - მე მესის ვირჩევ", - დაწერა კარპინამ სოციალურ ქსელში, სადაც გამომწერების შეკითხვებს პასუხობდა.
შეგახსენებთ, რომ საქართველოს ნაკრების მეტოქეები ევრო 2024-ზე პორტუგალია, თურქეთი და ჩეხეთი იქნებიან.
