ჩისკომ საქართველოსთან მატჩის წინ ესპანელები გააფრთხილა - "სანიოლმა ეს გააკეთა, ქართველებს თავისი სიამაყის ჩვენება უნდათ, მათი საფრთხეები ესაა და შეუძლიათ..."

თბილისის "დინამოს" ყოფილმა ფორვარდმა შემდეგ კი მწვრთნელმა ჩისკო მუნიოსმა ესპანეთი საქართველოს მატჩის წინ Marca-ს ინტერვიუ მისცა და ევორპის ჩემპიონატის მერვედფინალური ეტაპის მომავალ დაპირისპირებაზე ისაუბრა.

როგორც ირკვევა, მიდიოდა საუბრები, რომ მას შესაძლოა, "ჯვაროსანთა" რიგებში ეთამაშა.

"დინამოში" თამაშის პერიოდში იყო შანსი, რომ საქართველოს ნაკრებში მეთამაშა და ამის შესახებ ადგილობრივ ფეხბურთის ფედერაციასთან ვლაპარაკობდი.

საქმე კი იმაში მდგომარეობდა, რომ ამ ქვეყანაში საჭირო წლები არ მქონდა ნათამაშები, რათა ეროვნული ნაკრების ფორმა მომერგო და ეს იდეაც ამიტომ მივატოვეთ.

ვფიქრობ, საინტერესო იქნებოდა... ეს მეც და საქართველოს ეროვნულ ნაკრებსაც ძალიან წაადგებოდა. საქართველოსთან ძალიან კარგი მოგონებები მაკავშირებს.

ფეხბურთელობის პერიოდში მქონდა შესანიშნავი მომენტები, რომელსაც ჩემს თანაგუნდლებთან ერთად ვიზიარებდი და მათთან ურთიერთობა დღემდე მაკავშირებს.

მეორეს მხრივ, როგორც მწვრთნელმა შევძელი, რომ ახალგაზრდა ბიჭებს დავხმარებოდი, რათა გაზრდილიყვნენ და თავიანთი ოცნებებისთვის ებრძოლათ.

თუ ესპანეთი თამაშობს იმ დონეს, რომელიც მას შეუძლია, მაშინ მეტოქეზე გაცილებით აღმატებული გუნდის შთაბეჭდილებას ტოვებს. 

საფრთხეები მეტოქიდან? - საქართველოს ჰყავს ნიჭიერი მოთამაშეები, რომლებსაც შეუძლიათ თამაშის შეცვლა ინდივიდუალურ დონეზე. ისინი ფიზიკურად მომზადებულები არიან და აქვთ ტაქტიკური ცოდნა. ამ მხრივ, ვფიქრობ, რომ სანიოლმა შეძლო ბალანსის პოვნა ხარისხსა და თავდაცვას შორის.

ისინი ქმნიან ისტორიას, მათთვის ეს თამაში ფინალია. ქართველებს უნდათ, რომ აჩვენონ თავიანთი სიამაყე და ღირებულებები.

მინდა, რომ საქართველო კარგად გამოვიდეს, მაგრამ მე ხომ ესპანელი ვარ...", - თქვა ჩისკომ.