ესპანეთთან ევროპირველობის მერვედფინალური მატჩის შემდეგ პრესკონფერენციაზე საქართველოს ნაკრების მწვრთნელმა ვილი სანიოლმა ისაუბრა:
"ჩვენ ძალიან გვიხარია და ვამაყობთ იმით, რაც გავაკეთეთ. მხოლოდ თამაშგარე მდგომარეობაზე საუბარი არ მსურს, მაგრამ გოლის დროს ოფსაიდი აუცილებლად იყო. თუ ის დაფიქსირდა საფრანგეთის ნაკრების მატჩში, იყო ახლაც. VAR-ი ძალიან კარგი და ევოლუციური გამოგონებაა, თუმცა მაინც არ ვიცით, ის სწორად როგორ გამოვიყენოთ.
ჩვენ დღეს დავასრულეთ ევროპის ჩემპიონატი და მომავალ მსოფლიო ჩემპიონატზე საუბარი ძალიან ადრეა. იყო კარგი და ცუდი მომენტები. ახლა მთავარია, ყველანი დავსხდეთ და ყველაფერი გავარჩიოთ. ფეხბურთელებით ძალიან
ვამაყობ. ახლა გზის დასასრულისკენ მივედით, მაგრამ იმედი მაქვს, მომდევნო გზა უფრო კარგი იქნება.
ევროზე ფანტასტიკური გუნდური თამაში გვქონდა. იმედგაცრუებული არა, მაგრამ დამწუხრებული ვართ. რამდენიმე დღეში გავიაზრებთ, რაც გავაკეთეთ და ისევ ბედნიერი ვიქნებით.
ევროზე ფანტასტიკური გუნდური თამაში გვქონდა. იმედგაცრუებული არა, მაგრამ დამწუხრებული ვართ. რამდენიმე დღეში გავიაზრებთ, რაც გავაკეთეთ და ისევ ბედნიერი ვიქნებით.
დღევანდელი მატჩიდან ჩემმა ფეხბურთელებმა ერთი რამ უნდა ისწავლონ: ამ დონის მატჩისთვის 100 პროცენტით მზად უნდა ვიყოთ. ეს ყველას გვეხება - ფედერაციასაც, მეც. ჯერ უნდა დავაფასოთ ეს მომენტი და შემდეგ ვისწავლოთ მისგან.
პირველი ტაიმი რომ მოგვეგო, მეორე ტაიმში მეტი ენერგია გვექნებოდა. ძალიან მნიშვნელოვანი ფეხბურთელი, ოთარ კიტეიშვილი დაგვიშავდა. ესპანეთის ნაკრებმა გამარჯვება დაიმსახურა.
ბევრი ვიშრომეთ იმისთვის, რათა აქამდე მოვსულიყავით. მაქსიმალურად ვეცდებით, ფინალურ ეტაპზე ისევ ვითამაშოთ. გვინდა ქართველ გულშემატკივრებს მივცეთ შანსი, დიდ სტადიონებზე ისევ იყვნენ და ეროვნული ჰიმნი იმღერონ.
თუკი კვარაცხელიას სურს, პსჟ-ში წავიდეს, ასეც უნდა მოიქცეს, მაგრამ მას კონტრაქტი აქვს და "ნაპოლის" პატივი უნდა სცეს".
ღვთისავარ ანთაძე კიოლნიდან
2. იმათი ორი გოლი გასაუქმებელი იყო. მეკარეს რომ ხელს უშლი, პასიური თამაშგარე ხდება აქტიური.
3. ხვიჩამ შორიდან რომ დაარტყა ცარიელ კარში, ასეთებს ათიდან ათს გაიტანს, დაღლილი რომ არ იყოს.
4. კარგი მწვრთნელი ამ ფეხბურთელებით ორი თამაშის შემდეგ გავიდოდა ჯგუფიდან და პორტუგალიაასთან ძირითად ფეხბურთელებს დაასვენებდა.
5. მწვრთნელი უნდა იყოს ქართველი. უცხოელს მიაჩნია, რომ დიდ წარმატებას არ იმსახურებ. თამაშს რომ იგებს ჩვენი გუნდი, უცხოელ მწვრთნელს ეს უკვირს.
გაცილებით უფრო დიდი მიზნები უნდა დაისახონ.
სანიოლი მათ ამუხრუჭებს. ძალიან კარგია, რომ მას ირლანდიის ფედერაცია წაიყვანს მალე.
ქაოტური გახდა თამაში, საერთოდ აღარაფერს გავდა, უაზრო უადგილო და უმისამართო გადაგდება მეტოქის ნახევარზე(ჩაწოდებასაც ვერ დაარქმევ) და იქ ეგებ ვინმეს რამე გაეკეთებინა, სულ ეს იყო