თურქეთის ქალაქ ბელეკში შეკრებაზე მყოფმა სლოვაკეთის ჩემპიონატის ლიდერმა ტრნავის "სპარტაკმა" ამხანაგურ-საკონტროლო მატჩში ლუგანსკის "ზორია" დაამარცხა 2:1.ეს შეხვედრა შეუცვლელად ჩაატარა "სპარტაკის" ქართველმა ნახევარმცველმა ვახტანგ ჭანტურიშვილმა, რომელმაც 33-ე წუთზე ლოვასს საგოლედ უპასა, 68-ე წუთზე კი მცველების შეცდომით ისარგებლა და თავად გაიტანა გოლი.
ვახტანგი თავისი გუნდის ერთ-ერთი წამყვანი ფეხბურთელია, სლოვაკეთის მიმდინარე ჩემპიონატის 18 მატჩში 4 გოლი გაიტანა. მისი გუნდი შეკრებაზე კიდევ 4 შეხვედრას ჩაატარებს, 17 თებერვალს კი ქვეყნის პირველობა განახლდება და მორავცეს "ზლატეს" სტუმრად დაუპირისპირდება.
![ქართული ლეგიონის ამბები: მერებაშვილის გამომუშავებული პენალტი, ჭანტურიშვილის არჩათვლილი გოლი [VIDEO]](/pictures/image7/683becf6c5c45226a5705e3a1cb086ad.jpg "ქართული ლეგიონის ამბები: მერებაშვილის გამომუშავებული პენალტი, ჭანტურიშვილის არჩათვლილი გოლი [VIDEO]")
