"სამტრედიის" მცველი ლაშა კასრაძე ყაზახეთის პრემიერლიგაში აღზევებულ "ჟეტისუში" გადავიდა.ლაშა კასრაძემ გასულ წელს "სამტრედიაში" 33 მატჩი ჩაატარა, სადაც 1 გოლი გაიტანა და 2 საგოლე გადაცემა გააკეთა.
ყაზახურმა სპორტულმა გამოცემა Sports.kz-მ "ჟეტისუს" ქართველ ახალწვეულთან ინტერვიუ ჩაწერა, რომელიც ჩვენს მკითხველსაც დააინტერესებს.
- ლაშა, მოხვედით გუნდში, რომელიც ახლახან დაბრუნდა პრემიერლიგაში. ეს დისკომფორტს არ გიქმნიდათ?
- არა, რა თქმა უნდა. პირიქით, ორმაგი მოტივაცია გვექნება, რომ მაღალ მიზნებზე ვიფიქროთ.
- ახალ გუნდში როგორ მიგიღეს?
- ძალიან კარგად (იღიმის).
- თქვენ ერთადერთი ქართველი ხართ "ჟეტისუში". არ
- არა, მეგობრული გუნდი გვყავს, ამიტომ პრობლემა არ იქნება.
- ყაზახეთში ქართველ ლეგიონერებს პატივს სცემენ, მაგრამ ბოლო დროს ჩვენთან ცოტა ქართველი თუ გამოდის. რატომ ხდება ასე?
- არ ვიცი. ყაზახეთში ისედაც 5 ქართველი ითამაშებს ამ სეზონში. ჩვენც პატივს გცემთ და მაგიტომ გამოვდივართ აქ (იღიმის).
- როგორ ფიქრობთ, რომელი ადგილისთვის იბრძოლებს გუნდი?
- ჩვენი მიზანია, სატურნირო ცხრილის ზედა ნაწილში მოვხვდეთ.
- გინდათ რამე უთხრათ "ჟეტისუს" ფანებს?
- გულშემატკივრებს ვეტყვი, მიხარია, რომ ამ გუნდში ვითამაშებ და შევეცდები, მაქსიმუმი დავდო მოედანზე.
