საქართველოს ახალგაზრდული ნაკრების წევრმა ლუკა ზარანდიამ უკანასკნელ ტურში "სოსნოვიეცის" კარში გოლის გატანა მოახერხა. პოლონურმა გამოცემა trojmiasto.pl-მა მასთან ინტერვიუ ჩაწერა, სადაც საუბარი საქართველოს ნაკრებსაც შეეხო.
22 წლის ვინგერმა გდინის "არკასთან" კონტრაქტი 2020 წლის ზაფხულამდე გაახანგრძლივა, რომელიც ხელშეკრულების ვადამდე ადრე გაწყვეტის შემთხვევაში დამატებითი თანხის გადახდას ითვალისწინებს.
- რამდენის გამომუშავებას შეძლებს "არკა", თუ კონტრაქტის ამოწურვამდე გაგყიდით?
- გამოსასყიდი თანხა იმაზე ნაკლებია, ვიდრე 2016 წელს "გენკისთვის" გადახდილი თანხა ჩემ სანაცვლოდ. ჩემი შეძენა დაახლოებით 750 ათასი ევრო დაჯდა. მაშინ ახალგაზრდა და იმედისმომცემი მოთამაშე ვიყავი, ახლა
- ვრცელდება ჭორები, თითქოს მთავარ მწვრთნელ ზბიგნიევ სმოლკასთან კარგი ურთიერთობა არ გაქვთ. სინამდვილეში რა ხდება?
- როცა ახალი მწვრთნელი მოვიდა, ნახა, რომ ტრავმა მქონდა. ამიტომ დამჭირდა უფრო მეტი ვარჯიში. ხანდახან მიყვიროდა და ვერ ვხვდებოდი, რაში იყო საქმე, თუმცა უკვე ვიცი, რომ ის მაკვირდება, ცდილობს, ფიზიკურად მოვძლიერდე, რადგან ამის გარეშე სრულყოფილად თამაში გამიჭირდება.
- ანუ იმის თქმა გინდათ, რომ თქვენ შორის პრობლემა ამოწურულია?
- დიახ, მე სამხრეთული მენტალიტეტი მაქვს, ისიც ტემპერამენტიანი ადამიანია. მე შესანიშნავად ვიცი, რომ მწვრთნელი ყველაზე მნიშვნელოვანი პერსონაა. აუცილებლად ხმამაღლა უნდა აღვნიშნო, რომ სმოლკა შესანიშნავად ატარებს ვარჯიშებს. პრაქტიკულად, სულ ბურთით ვვარჯიშობთ,.ეს მატჩებიდანაც ჩანს. ამიტომაც დარწმუნებული ვარ, რომ თამაშს უფრო გამოვასწორებთ. ჩემს თავსა და გუნდში დარწმუნებული ვარ.
- ბოლო მატჩში სასტარტო შემადგენლობას დაუბრუნდით სამმატჩიანი პაუზის შემდეგ. გადაღლილი იყავით?
- ვფიქრობ, რომ არა. მართალია, ზედმეტად ბევრი ვივარჯიშე, თუმცა გადაღლილი არ ვყოფილვარ. ამასთან ერთად, მწვრთნელმა მითხრა, რომ ვითამაშებდი. ასე რომ, მქონდა დრო, რომ მატჩს კონცენტრირებული და მოტივირებული შევხვედროდი.
- იქნებ თქვენი თამაში იმაზეა დამოკიდებული, თუ რომელ პოზიციაზე იქნებით, რადგან მარჯვენა ფლანგზე უკეთესი შთაბეჭდილება დატოვეთ, ვიდრე მარცხენა ფლანგზე?
- ორივე პოზიციაზე კარგად ვგრძნობ თავს, თუმცა მარცხენა ფლანგზე ძალიან იშვიათად მიწევს თამაში. ამიტომაც არის ეს ასეთი შესამჩნევი. პირადად მე, არ ვფიქრობ, რომ მარცხნივ ცუდად ვითამაშე.
- საქართველოს ახალგაზრდულ ნაკრებთან დაკავშირებით რას გვეტყვით?
- ევროპის ჩემპიონატის საკვალიფიკაციო ეტაპზე თეორიული შანსები ჯერ კიდევ დაგვრჩა. ჩვენ სხვის იმედად ვართ. ამიტომ მათი გულშემატკივრობა მოგვიწევს.
- არ დაგწყდათ გული, რომ ეროვნული ნაკრების მხოლოდ სარეზერვო გუნდში მოხვდით?
- არა, ასე ახლოს პირველ გუნდთან არასდროს ვყოფილვარ, მე 31-კაციან გაფართოებულ შემადგენლობაში ვიყავი, შერჩეული 25 კი ნაკრებში დარჩა. ნამდვილად ძლიერი გუნდი გვყავს. იქ ჩემს პოზიციაზე პლოცკის "ვისლას" ფეხბურთელი გიორგი მერებაშვილი თამაშობს. მე ახლა ახალგაზრდულ ნაკრებში ვარ, იქ ბევრი მეგობარი მყავს, მწვრთნელი კი ერთ-ერთი საუკეთესოა, ვისთანაც ოდესმე მიმუშავია.
ლუკა ზარანდია პოლონეთის ექსტრაკლასას ტურის სიმბოლურში შეიყვანეს
ლუკა ზარანდიამ "ზაგლებიეს" გოლი გაუტანა [VIDEO]
