უკვე არაერთი ინფორმაცია ვრცელდება გიორგი ჩაკვეტაძის კატალონიურ კარიერაზე, საუბარი მის გადასვლაზე "ბარსელონაში" არათუ ზაფხულს, არამედ იანვარსაც დაუკავშირეს. რეალურად კი ფაქტია, რომ ჩაკვეტაძეს აკვირდებიან და ამას "გენტიც" ადასტურებს. თუმცა რა სახის ინტერესია და ვის სურს კონკრეტულად "ბარსელონაში" მისი დამატება უცნობია. დაუდასტურებელი ინფორმაციით, ჩაკვეტაძის შეძენას აქტიურად უჭერს მხარს ბლაუგრანას ყოფილი თავდამსხმელი და მწვრთნელი კარლეს რექსაჩი, რომელიც ახლა კლუბში სკაუტად მუშაობს და არ გამოვრიცხოთ რომ ანდორაშიც იმყოფებოდა. ავღნიშნავ იმ ფაქტსაც, რომ რექსაჩის მწვრთნელობის დროს "ბარსელონამ" ლიონელ მესი დაიმატა.
თუმცა მოდი განვიხილოთ ამ ტრანსფერის
რა იქნება სავარაუდო სცენარი თუ ჩაკვეტაძე იანვარში "ბარსელონაში" გადავა? კლუბი მას მეორე გუნდში გაუშვებს ან საუკეთესო შემთხვევაში ნორმალურ ევროპულ კლუბში გაანათხოვრებს. შეიძლება "გენტშიც" დატოვოს და უბრალოდ მისი სატრანსფერო უფლებები შეისყიდოს. ისე ეს შესაძლო ტრანსფერი ძალიან ჰგავს მარტინ ოდეგაარდის ამბავს, რომელიც "რეალის" მიერ ამჯერად ჩვენთვის კარგად ნაცნობ "ვიტესშია" განათხოვრებული. საერთოდ მსგავსი ფაქტები დადებითად არ სრულდება, კლუბში მუდმივად იცვლება მწვრთნელები, სკაუტები და ხელმძღვანელობა, ხოლო განათხოვრებული ფეხბურთელები ხშირად გაურკვევლობაში ხვდებიან და მათი გზა არც თუ ისე დადებითად გრძელდება.
"გენტს" ჩაკვეტაძე იმისთვის არ უყიდია, რომ მასთან ერთად წარმატებებს მიეღწია. ბელგიურმა კლუბმა ის მხოლოდ იმისთვის შეიძინა, რომ ძვირად გაეყიდა. ამავდროულად მომავალი ტრანსფერიდან თბილისის "დინამო" 50%-ს მიიღებს და ბელგიელები კი მას საკმაოდ ძვირ ფასს დაადებენ და მისი სატრანსფერო უფლებებით მაქსიმალურად ივაჭრებენ. მათთვის არ ექნება მნიშვნელობა "ბარსელონა" იქნება თუ "შახტარი", მთავარი იქნება მეტი სარგებელის მიღება.
რაც შეეხება დადებით ასპექტებს. რამდენიმე დღეში გიორგი ჩაკვეტაძე ყველამ გაიცნო, რადგან გავრცელდა ინფორმაცია, რომ მისი თვით "ბარსელონა" არის დაინტერესებული. ეს კი იმას ნიშნავს, რომ ევროპის ყველა წამყვანმა სკაუტმა მისი გვარი მოინიშნა და თუ გიორგი ჩაკვეტაძე მოეწონებათ, ისინიც დაიწყებენ ნადირობას და ბლაუგრანასთან კონკურენციას. სავარაუდოდ კლუბების სია მალე გაიზრდება და არჩევანიც დიდი იქნება.
მთავარია გიორგიმ ამ ყველაფერს ყურადღება არ მიაქციოს და მხოლოდ ფეხბურთზე იფიქროს, თორემ ამ ყველაფერმა შეიძლება გარკვეული სახის ფსიქოლოგიური ზეგავლენა მოახდინოს. ახლა მისი მომავალი მის ხელშია, თუ მოინდომებს შეძლებს ყველა სტადიონზე ეს "სანტიაგო ბერნაბეუ" იქნება თუ "ალიანს არენა" კარის ბადე შეარხიოს. ჩვენ კი ისღა დაგვრჩენია, რომ ვუგულშემატკივროთ და ვიმედოვნოთ, რომ მასთან ერთად საქართველოს ნაკრებს ევროპის ჩემპიონატზე ითამაშებს.
Sport.es: ჩაკვეტაძემ "ბარსელონას" გამოცდა შესანიშნავად ჩააბარა
გიორგი ჩაკვეტაძე ბარსელონაში, "კამპ ნოუზე"
"გენტი" "ბარსელონას" ინტერესს ადასტურებს: ვიცოდით, რომ "ბარსელონა" ჩაკვეტაძეს აკვირდებოდა
![მამარდაშვილის გაძევება და ლევანდოვსკის ჰეთ-თრიკი - "ვალენსია" "ბარსელონასთან" დამარცხდა [VIDEO]](/pictures/image7/d8b9c9a28bb35fa7c1b48ea2de4dceb8.jpg "მამარდაშვილის გაძევება და ლევანდოვსკის ჰეთ-თრიკი - \"ვალენსია\" \"ბარსელონასთან\" დამარცხდა [VIDEO]")
!["ვალენსია" სტუმრად "ბარსელონას" 2:1 ამარცხებს - მამარდაშვილი გააძევეს [VIDEO]](/pictures/image7/e03e6a751bd32359a37973692d5b9ddc.jpg "\"ვალენსია\" სტუმრად \"ბარსელონას\" 2:1 ამარცხებს - მამარდაშვილი გააძევეს [VIDEO]")
საიდან იგონებთ ამდენ სისულელეს.
წარმატებებ ვუსურვებ გიორგის. ძველი დინამოს სემადგენობის შემდეგ ასე ფეხბურთელი არ მომწონებია