კიდევ ერთი ქართველი შვეიცარიაში - ლევან ხარაბაძე "ციურიხში" იჯარით?

AutoSharing Option
გავრცელებული ინფორმაციით, თბილისის "დინამოს" 18 წლის მცველი ლევან ხარაბაძე კარიერას შვეიცარიაში გააგრძელებს.

ამ დროისთვის ხარაბაძე შვეიცარიაში იმყოფება და ტელეკომპანია "მაესტროს" ცნობით, "ციურიხთან" კონტრაქტი უკვე გააფორმა, რაც წელიწადნახევრიან იჯარას გულისხმობს.

Sportall.ge თბილისის "დინამოსთან" დაკავშირებას ცდილობს, თუმცა კლუბის პრესსამსახური ჩვენს ზარებს არ პასუხობს.

აქვე გეტყვით, რომ ლევან ხარაბაძე თბილისის "დინამოში" 2011 წლიდან ირიცხება. მცველმა საქართველოს ყველა ასაკობრივ ნაკრებში ითამაშა, ხოლო 2018 წელს ვლადიმირ ვაისმა საქართველოს მთავარ გუნდში უხმო.

ხარაბაძემ 2018 წელს ეროვნულ ლიგაში "დინამოს" მაისურით 31 მატჩი ჩაატარა და 4 გოლი გაიტანა.

რაც შეეხება "ციურიხს", ის შვეიცარიის სუპერლიგაში 18 ტურის შემდეგ 25 ქულით მე-4 ადგილზე იმყოფება, ხოლო ვაკო გვილიასა და ოთარ კაკაბაძის "ლუცერნი" იმავე რაოდენობის ქულებით მე-5 პოზიციას იკავებს.

altესპანელი შემტევი საქართველოს ვიცე-ჩემპიონის რიგებში - ფრან კარბიამ "ხიმნასტიკს" "დინამო" არჩია

მკითხველის კომენტარები / 3 /
ნამდვილად სასიამოვნო ტენდენცია იკვეთება ახალი თაობის ბიჭებში, არ არიან დახარბებული დიდ ხელფასს და არ მიდიან რუსეთ-ყაზახეთ-უკრაინა-აზერბაიჯანში, მიდიან ევროპაში, რადგან ფეხბურთის თამაში სურთ და არა ფულის კეთება, გიორგი ჩაკვეტაძეს დიდი მადლობა, ისაა ნათელი მაგალითი, რომ თუ იქნები შრომისმოყვარე და თავდაბალი, ევროპაში ეს დაუნახავი არ დარჩება. ფული კი ისედაც მოვა, როცა დიდი კლუბების ყურადღებას დაიმსახურებ. შრომა, მოთმენა და წარმატებები ბიჭებო!
llcl
13:44 10-01-2019
1
წარმატებები ლევან სწორი არჩევანია, ღმერთი შენსკენ
roma
13:04 10-01-2019
1

ასევე დაგაინტერესებთ
სიახლეები პოპულარული