ცნობილი რუსი მწვრთნელი გაჯი გაჯიევი, რომელიც რამდენიმე წლის განმავლობაში "კრილია სოვეტოვსაც" თავკაცობდა, რუსულ გამოცემა Sovsport.ru-სთან ინტერვიუში სამარულ კლუბში ჯანო ანანიძის გადასვლასთან დაკავშირებით საუბრობს."ჯანო ანანიძე ბოჟოვიჩთან ერთად "როსტოვში" მუშაობდა, თუმცა ქართველი მუდმივად ტრავმირებულია ხოლმე. შეუძლია თუ არა სტაბილურად თამაში? ეს არც მე და არც თქვენ იცით.
ხანდახან მოთამაშე, ასაკის მატებასთან ერთად, უფრო მეტ ტრავმას იღებს, მაგრამ გამოცდილების ხარჯზე დატვირთვა სწორად უნდა გადაანაწილოს და სათამაშო სიტუაციებში კარგად გაერკვეს. რა თქმა უნდა, შემთხვევებისგან დაზღვეული არავინაა." - განაცხადა გაჯი გაჯიევმა.
ჯანო ანანიძე "კრილია სოვეტოვს" რამდენიმე დღის წინ შეუერთდა. სამარული კლუბის რიგებში ის სეზონის ბოლომდე იჯარის წესით ითამაშებს.
ჯანო ანანიძე: დავამტკიცებ, რომ ძლიერი ფეხბურთელი ვარ [VIDEO]
ჯიქია ანანიძეზე: სამწუხაროა, როდესაც ასეთი დანაკარგი გაქვს
