კიევის "დინამოს" 18 წლის ქართველ შემტევ გიორგი წიტაიშვილს უკრაინის პრემიერლიგაში "ზორიასთან" მოგებულ (5:0) მატჩში დებიუტი ჰქონდა.ეს ახალგაზრდა მოთამაშის მეორე ოფიციალური შეხვედრაა კიეველთა შემადგენლობაში. "დინამოს" რიგებში პირველად მან ევროპალიგის ჯგუფურ ეტაპზე "იაბლონეცის" წინააღმდეგ ითამაშა.
ქართველი ფეხბურთელი თამაშში 70-ე წუთზე ესპანელი ფრან სოლის მაგივრად ჩაერთო. ამ დროს ანგარიში 4:0 იყო.
19 ტურის შემდეგ კიევის "დინამო" უკრაინის პრემიერლიგაში მეორე ადგილზეა და ლიდერ "შახტარს" 7 ქულით ჩამორჩება.
![alt](/pictures/image50/5812f9cb02fc248d00f2d71789fc49bb.jpg "დებიუტი პრემიერლიგაში - გიორგი წიტაიშვილმა კიევის "დინამოს" რიგებში ითამაშა")
გიორგი წიტაიშვილის შეძენა "ოლიმპიაკოსს" სურს - კიევის "დინამომ" ტრანსფერში დიდი თანხა მოითხოვა
