გიორგი ქვილითაიასა და გიორგი ჩაკვეტაძის "გენტმა" ბელგიის უმაღლესი დივიზიონის გასვლით მატჩში "სენტ ტრუიდენთან" ფრედ ითამაშა და შეხვედრის ერთ-ერთი გადამწყვეტი მომენტი 84-ე წუთზე მოხდა, როცა ქვილითაიასთან ერთად 2:1-ზე გასულმა დეპუატრემ ცარიელი კარის წინ მდგომ ქართველს პასი არ მისცა და ვერც თავად მოახერხა გოლის გატანა.
აღნიშნულ მომენტზე კომენტარი "გენტის" დანიელმა მთავარმა მწვრთნელმა იეს თორუპმა გააკეთა.
"არ არის აუცილებელი, იყოთ თავდამსხმელი იმის შესაფასებლად, რომ ეს საშინელი გადაწყვეტილება იყო. როცა ასეთი შანსი მოგეცა, 100%-ით პასი უნდა გაუკეთო შენ გვერდით მდგომს - ქვილითაიას. თუმცა ფეხბურთელები გადაწყვეტილებას მოედანზე იღებენ, მწვრთნელი კი მათ მოქმედებას თამაშის შემდეგ აფასებს. თუმცა, ნათელია, რომ ეს შეხვედრის გარდამტეხი მომენტი იყო", - აღნიშნა 49 წლის სპეციალისტმა.
შემდეგ შეხვედრაში "გენტი" გასვლაზე "ანდერლეხტს" შეხვდება და ასეთი მოქმედების შემდეგ ნაკლებად სავარაუდოა, თორუპმა ძირითად შემადგენლობაში დეპუატრე დააყენოს, რომელიც ქვილითაიას კონკურენტია.
![alt](/pictures/image50/5bb7802be15d31bd14c4a9168645946e.jpg ""გენტის" მწვრთნელი ქვილითაიას კონკურენტზე: საშინელი გადაწყვეტილება მიიღო, თუმცა...")
გიორგი ქვილითაიას ულამაზესი დარტყმა და მეკარის საოცარი სეივი [VIDEO]![alt](/pictures/image50/73ea266492da86e9c670b895c546758e.jpg ""გენტის" მწვრთნელი ქვილითაიას კონკურენტზე: საშინელი გადაწყვეტილება მიიღო, თუმცა...")
გიორგი ქვილითაიამ "გენტის" რიგებში პოკერი შეასრულა! [VIDEO]
![ჩაკვეტაძის "უოტფორდმა" ორი წაგების შემდეგ გაიმარჯვა [VIDEO]](/pictures/image7/cd14f87308870619ad818195b605b3fb.jpg "ჩაკვეტაძის \"უოტფორდმა\" ორი წაგების შემდეგ გაიმარჯვა [VIDEO]")
