რუსეთის პრემიერლიგის მე-11 ტურში "კრილია სოვეტოვი" და "რუბინი" 0:0 დაზავდნენ.
სამარაში ჩატარებულმა შეხვედრამ საკმაო ინტერესი გამოიწვია, 10 842 მაყურებელი დაესწრო და სტუმრები ინიციატივას ფლობდნენ. "რუბინის" დირიჟორი და წამყვანი ფეხბურთელი კვლავ 18 წლის ზურიკო დავითაშვილი იყო, რომელიც სწრაფი იერიშებითა და დრიბლინგით ამწვავებდა თამაშს, მაგრამ თანაგუნდელებმა მხარი ვერ აუბეს. ის 89-ე წუთზე შეცვალეს. ხვიჩა კვარაცხელია 82-ე წუთზე შევიდა შეცვლაზე, ბექა მიქელთაძე კი სათადარიგო იყო.
ყაზანურმა გუნდმა უკანასკნელი 5 მატჩიდან 4 ანგარიშით 0:0 დაასრულა, 15 ქულით მე-11 ადგილზეა და 9 ნოემბერს მოსკოვის "დინამოს" უმასპინძლებს.
ნამატჩევს "რუბინის" მწვრთნელმა ედუარდო დოკამპომ თქვა, რომ ზურიკოს ერთი-ერთზე შეუძლია მეტოქეთა მოტყუება; მეორე ტაიმში გუნდს დაღლილობა დაეტყო, ზურიკოც დაიღალა, მომენტები ჰქონდათ და გოლების გატანას დაიწყებენ.
![alt](/pictures/image50/902935b39087a747b9a0252e17699f31.jpg "დავითაშვილი საუკეთესო იყო - "რუბინმა" ბოლო 5 მატჩიდან 4 ანგარიშით 0:0 დაასრულა")
ზურიკო დავითაშვილი: ყველა თამაშში გოლების გატანას ვეცდები![alt](/pictures/image50/93322ca7d838faee5018a556a79626e9.jpg "დავითაშვილი საუკეთესო იყო - "რუბინმა" ბოლო 5 მატჩიდან 4 ანგარიშით 0:0 დაასრულა")
"გავიდეთ და ბურთი თავზე დავახიოთ" - ზურიკო დავითაშვილის სიტყვა ხორვატიასთან თამაშის წინ - 17 ოქტომბრის დაიჯესტი
