"ანორთოსისმა" მიმდინარე სეზონში პირველად ვერ მოახერხა ზედიზედ ორ მატჩში გამარჯვების მოპოვება - ჯერ თასზე "ოლიმპიაკოსთან" ფრეს დასჯერდა (0:0), ხოლო შემდეგ ჩემპიონატზე "ომონიასთან" წააგო (0:1). ხვალ, 29 იანვარს, თასის 1/8-ფინალის განმეორებით შეხვედრაში თემურ ქეცბაიას გუნდი "ოლიმპიაკოსს" უმასპინძლებს და გათამაშების შემდეგ ეტაპზე გასვლას შეეცდება.
კლუბის პრესსამსახურის უფროსმა პილიოტასმა განაცხადა, რომ "ომონიას" გაუმართლა, მომენტი გამოიყენა და მოიგო; "ოლიმპიაკოსთან" დაპირისპირებისათვის სერიოზულად ემზადებიან, თუმცა ახლახან გადასული ჯანო ანანიძე და ტრავმირებული თორნიკე ოქრიაშვილი, ალბათ, გუნდს ვერ დაეხმარებიან.
მისი თქმით, ჯანოს ფორმაში ჩასადგომად კიდევ ცოტა დრო დასჭირდება.