მოსკოვის ცსკა-მ საკუთარ ოფიციალურ ვებგვერდზე ნახევარმცველ გოჩა გოგრიჭიანის ტრანსფერის შესახებ გაავრცელა ინფორმაცია.
კონტრაქტის პირობები ცნობილი არაა. 20 წლის ფეხბურთელი აქამდე "როსტოვის" ახალგაზრდულ გუნდში თამაშობდა. აღსანიშნავია, რომ მიმდინარე სეზონში გოგრიჭიანი გუნდს ვერ დაეხმარება, რადგან განაცხადში შეყვანილი არ არის.
გოჩა ცნობილი ქართველი ფეხბურთელის, გოჩა გოგრიჭიანის უფროსი ვაჟია. მოგეხსენებათ, უფროსი გოგრიჭიანი 90-იან წლებში ეროვნული ნაკრების ფორვარდი იყო და კარიერა 2003 წელს სოჭის "ჟემჩუჟინაში" დაასრულა.
რაც შეეხება უმცროს გოჩას, რომელიც რუსეთის მოქალაქეა, რუსეთის ახალგაზრდული ჩემპიონატის 21 შეხვედრაში მიიღო მონაწილეობა და 11 გოლი გაიტანა, რაც
ნახევარმცველისათვის ძალიან კარგი მაჩვენებელია.
გოჩა გოგრიჭიანის ვაჟი სოჭში ბომბარდირი ხდება
![[ისტორიიდან] საქართველო-უელსი - ყველაზე ტკბილად მოსაგონარი [VIDEO]](/pictures/image7/7a821ad991a238c68bd597eaca6fdb94.jpg "[ისტორიიდან] საქართველო-უელსი - ყველაზე ტკბილად მოსაგონარი [VIDEO]")
