გროდნოს "ნემანის" ქართველმა მცველმა გიორგი ქანთარიამ ნებისმიერი შემტევისთვის სასურველი ტექნიკა გამოავლინა და ბელარუსის მოქმედ ჩემპიონთან შეხვედრაში მეტოქე ე.წ. ზიდანის ფინტით მოატყუა.
ბელარუსის პრემიერლიგის მე-15 ტურის შეხვედრაში "ნემანი" საკუთარ მოედანზე ბრესტის "დინამოს" მასპინძლობდა, როცა 23 წლის ქართველმა მოედნის საკუთარ ნახევარზე ეფექტურად მოატყუა მოწინააღმდეგე და თითქმის მეტოქის საჯარიმომდე ჩავიდა, თუმცა მიახლოებული წააქციეს...
მსგავსი მოქმედება იმდენად უცხოა ბელარუსის მსგავსი ჩემპიონატებისთვის, თან მცველის მიერ გაკეთებული ფინტი, რომ ქანთარიას მოძრაობა უცხოური მედიის ყურადღების ქვეშაც მოექცა.
"ნემანმა" კი "დინამოს" ანგარიშით 1:0 მოუგო და ჩემპიონატის ცხრილში მე-3 პოზიციაზე გადაინაცვლა. ქართველის გუნდი ლიდერ "ბატეს" 4 ქულით ჩამორჩება, თუმცა 1 თამაშით ნაკლები აქვს ჩატარებული.
![alt](/pictures/image50/b783cd6a1798dc5763abf7a7d01c063e.jpg "ქართველი მცველის მიერ შესრულებული "ზიდანის ფინტმა" მედიის ყურადღება მიიპყრო [VIDEO]")
sovsport: უნივერსალი ქანთარია და ტექნიკური გაბრიელ რამოსი უკეთეს გუნდებში თამაშს იმსახურებენ
![alt](/pictures/image50/1d217969573754df35a686e1f6f1b220.jpg "ქართველი მცველის მიერ შესრულებული "ზიდანის ფინტმა" მედიის ყურადღება მიიპყრო [VIDEO]")
ბელარუსმა მწვრთნელმა გიორგი ქანთარიას და საქართველოს შეურაცხყოფა მიაყენა [VIDEO]
