ხვიჩას ფინტები, პასები, პერსონალური მეურვის გაძევება - "რუბინი" მაინც დამარცხდა [VIDEO]

AutoSharing Option
AUTO PLAY
რუსეთის ჩემპიონატზე მორიგი კარგი მატჩი ჩაატარა "რუბინის" გარემარბმა ხვიჩა კვარაცხელიამ, თუმცა "რუბინი" საკუთარ მოედანზე "სპარტაკთან" 0:2 დამარცხდა.

მატჩი მასპინძელთათვის უიღბლოდ დაიწყო - უკვე მე-4 წუთზე ანგარიში ლარსონმა გახსნა, 21-ე წუთზე კი ყაზანელთა მეკარე მედვედევი გამოსვლაზე შეცდა და მერკულოვმა საკუთარ კარში ჩაჭრა ბურთი.

"სპარტაკთან" ხვიჩამ ისე ლაღად და აქტიურად ითამაშა (ნიღბის გარეშე), თითქოს გასულ ტურში მოსკოვის "დინამოსთან" ტრავმა არც კი მიუღია. მას მოწინააღმდეგე გუნდის მწვრთნელმა ტედესკომ პერსონალური მეურვე, მასლოვი მიუჩინა, მაგრამ 61-ე წუთზე ჩვენებურმა მეორე ყვითელი ბარათი მიაღებინა და მოედნის დატოვება
მოუწია.

რიცხობრივ უმცირესობაში დარჩენილმა დედაქალაქლებმა უკან დაიხიეს და "რუბინმა" დიდი ძალებით შეუტია, ხვიჩა პასებს კარგად ანაწილებდა, ერთხელ დასარტყმელ პოზიციაზე დესპოტოვიჩი გაიყვანა, ორჯერ მაკაროვი, მაგრამ მათ ვერ ივარგეს და 0:2 დამარცხდნენ.

ჩვენთვის მთავარი კი კვარაცხელიას კარგ ფორმაში ყოფნა და მისი კარგი თამაშია.

მკითხველის კომენტარები / 41 /
სხვათაშორის რუსულმა ინტერნეტ გამოცემამ FOOt.LIFE მატჩის 3 ყველაზე ცუდ ფეხბურთელად დაასახელა :(((((((((((((((
დათო
16:20 21-09-2020
3
უკვე გამაღიზიანეგელი ხდება ამდენი ქება-დიდება, ყველაფერში ზომიერებაა საჭირო, კი ბატონო ნიჭიერი ახალგაზრდაა, ჩემი სუბ.აზრით ჭანკვე მეტად გონიერი და გუნდის წამყვანია, თუმცა დღეს-დღეისობით ჩრდილშია, ასევე ჩრდილში არიან არანაკლებ გაპიარებული ჭანტურია, არაბიძე, ზარანდია, არველაძე და ერთი ორი კიდე, და სად და რატო არ ამობრწყინდნენ? ძირითადათ ქართველი ახალგ.ფეხბურთელები "პერსპექტიულ" ახალგაზრდებათ რჩებიან.
კოსტა
15:25 21-09-2020
11

ასევე დაგაინტერესებთ
სიახლეები პოპულარული