რუსეთის ჩემპიონატის მე-11 ტურში "როტორი" საკუთარ მოედანზე "ტამბოვთან" 0:2 დამარცხდა.
მასპინძლები დიდ ტერიტორიულ და სათამაშო უპირატესობას ფლობდნენ, მათ შეტევებს ზურიკო დავითაშვილი უნარიანად ხელმძღვანელობდა, რომელმაც 25-ე წუთზე ბურთი ძელს გაარტყა, 28-ე წუთზე კი სტუმართა კარში თერთმეტმეტრიანი დაინიშნა და ზურიკოს გოლის გატანა მეკარე რიჟიკოვმა არ დაანება.
მეორე ტაიმში სტუმრებმა კონტრშეტევაზე ორი გოლი გაიტანეს და გაიმარჯვეს.
ზურიკო 76-ე წუთზე ბექა მიქელთაძემ შეცვალა, საქართველოს ნაკრებიდან დაბრუნებული საბა კვირკველია სათადარიგი იყო, ისევე როგორც ნიკოლაი ყიფიანი. "ტამბოვში" შესვენებამდე ითამაშა გურამ თეთრაშვილმა, ხოლო 77-ე წუთზე შეცვლაზე შევიდა ვლადიმირ კობახიძე - ორივე რუსეთის მოქალაქეა.
"როტორმა" ფეხბურთელთა კორონავირუსის გამო ორ მატჩში მონაწილეობა ვერ მიიღო, ტექნიკური წაგებები ჩაუთვალეს, ჯერ არ გაუმარჯვია, 3 ქულით ბოლო ადგილზეა და 24 ოქტომბერს მოსკოვში "ლოკომოტივს" შეხვდება.
![alt](/pictures/image50/3f913be121715ddb0ccf37a3967a7cda.jpg "დაითარსნენ - დავითაშვილმა ბურთი ძელს გარტყა, პენალტი ვერ გამოიყენა და "როტორი" დამარცხდა")
"როტორში" 10 ფეხბურთელს კორონავირუსი აქვს და მთელი გუნდი იზოლირებულია
![ზურიკოს დუბლი - რამდენი უნდა გაიტანოს ქართველმა, რომ მისმა გუნდმა არ წააგოს? [VIDEO]](/pictures/image7/8cf697c63be0eafb523756d4cd37e22c.jpg "ზურიკოს დუბლი - რამდენი უნდა გაიტანოს ქართველმა, რომ მისმა გუნდმა არ წააგოს? [VIDEO]")
![დავითაშვილის დუბლი - ზურიკომ ეფექტური გოლი გაიტანა [VIDEO]](/pictures/image7/9161cff4f68b5ff20b112ee07139420d.jpg "დავითაშვილის დუბლი - ზურიკომ ეფექტური გოლი გაიტანა [VIDEO]")
![დავითაშვილმა "ანჟერთან" წონასწორობა აღადგინა [VIDEO]](/pictures/image7/210e55e913908809420d96f6aa7167c1.jpg "დავითაშვილმა \"ანჟერთან\" წონასწორობა აღადგინა [VIDEO]")
