კვიპროსის ჩემპიონატის 29-ე ტურში "ანორთოსისი" "ოლიმპიაკოსთან" 0:2 დამარცხდა.
ფამაგუსტური გუნდის მწვრთნელი თემურ ქეცბაია ამ მატჩს იმდენად დიდ მნიშვნელობას ანიჭებდა, რომ "კარმიოტისასთან" თასის განმეორებით 1/4-ფინალურ შეხვედრაში ქართველი ლეგიონერები დაასვენა, მაგრამ მათ გარეშეც იმარჯვეს (5:1, 2:1) და ნახევარფინალში გავიდნენ. თუმცა, "ანორთოსისმა" "ოლიმპიაკოსთან" მარცხი განიცადა და ლიდერ "ომონიას"10 ქულით ჩამორჩა.
არადა, "ანორთოსისი" სრულ უპირატესობას ფლობდა, რამდენიმე მომენტი ვერ გამოიყენა, მეტოქეს კი ორი მომენტი ჰქონდა და ორი გოლი გაიტანა.
ქეცბაია იმდენად ემოციურად გამოხატავდა მსაჯის გადაწყვეტილებებზე პროტესტს, რომ არბიტრმა გააფრთხილა და უთხრა, რომ თუ ასევე
გააგრძელებდა, გააძევებდა კიდეც.
გიორგი ლორიამ, თორნიკე ოქრიაშვილმა და გიორგი ქვილითაიამ შეუცვლელად ითამაშეს, ხოლო ბუბა დაუშვილი სასტარტოში იყო და 56-ე წუთზე შეცვალეს.
21 მარტს "ანორთოსისი" აელ-ს დაუპირისპირდება.
![alt](/pictures/image50/e7431d3834600be9c70080e7b0878e99.jpg ""ანორთოსისმა" წააგო, ლიდერს 10 ქულით ჩამორჩა, ქეცბაია კი აღშფოთებულია")
ოქრის მაკრატელა, ქვილითაიას მომენტები, ლორიას სეივები და "ანორთოსისის" მორიგი ფრე [VIDEO]
