კვიპროსის თასის განმეორებით 1/2-ფინალურ მატჩში ქართველების „ანორთოსისმა“ „აპოელი“ 3:1 დაამარცხა და 13 წლის შემდეგ პირველად გავიდა ფინალში. შეგახსენებთ, პირველი შეხვედრა 1:0 ჰქონდა მოგებული.„ანორთოსისს“ დისკვალიფიცირებული ბუბა დაუშვილი ვერ დაეხმარა, თემურ ქეცბაიამ გიორგი ლორია (ყვითელი ბარათი მიიღო), თორნიკე ოქრიაშვილი და ტრავმამორჩენილი გიორგი ქვილითაია სასტარტოში დააყენა და ეს უკანასკნელი 64-ე წუთზე შეცვალა.
ფინალში „ანორთოსისი“ „ოლიმპიაკოსს“ დაუპირისპირდება, რომელმაც ნახევარფინალში აელ-ის ბარიერი უპრობლემოდ გადალახა.
ნიქოზია. „Neo GSP“
აპოელი - ანორთოსისი 1:3
გოლები: 0:1 ჰუშბაუერი (25), 1:1 გარნერი (37, პენ), 1:2 კორეა (45+3), 1:3 კორეა
(75)
![alt](/pictures/image50/f7b8f80d7e64aad0bfa66e601b95aee4.jpg "ქართველების "ანორთოსისი" კვიპროსის თასის ფინალში გავიდა")
დაუშვილის გაძევების მიუხედავად, "ანორთოსისმა" ფინალისკენ ნაბიჯი გადადგა
