"რუბინის" 29 წლის ფორვარდმა ჯორჯ დესპოტოვიჩმა ყაზანური გუნდის ოფიციალურ საიტს ვრცელი ინტერვიუ მისცა.
რა თქმა უნდა, სერბთან საუბარმა ისე არ ჩაიარა, რომ ჟურნალისტს მისთვის შეკითხვ ხვიჩა კვარაცხელიას შესახებ არ დაესვა.
თავად დესპოტოვიჩმა ქართველის მიმართ საქებარი სიტყვები არ დაიშურა და კვარაცხელია საუკეთესო ფეხბურთელად მოიხსენია, ვისთან ერთადაც უთამაშია.
"ხვიჩას ადგილას, რომ ვიყო, რუსეთის ჩემპიონატში კიდევ რამდენიმე სეზონი დავრჩებოდი, თუმცა გადაწყვეტილებას მე არ ვიღებ.
ეჭვგარეშეა, რომ ის დიდებული ფეხბურთელია და მისით არაერთი დიდი გუნდია დაინტერესებული.
დარწმუნებული ვარ, რომ კვარაცხელია მომავალში ძალიან დიდ ფეხბურთს
ითამაშებს. ის საუკეთესო ფეხბურთელია, ვისთან ერთადაც მიასპარეზია", - ამბობს დესპოტოვიჩი.
საინტერესოა, რომ სერბები დესპოტოვიჩს ზლატან იბრაჰიმოვიჩს ადარებენ და ამ ორ ფეხბურთელს შორის მსგავსებასაც ხედავენ.
ჯორჯს ზედმეტსახელი - "ღარიბების იბრაჰიმოვიჩიც" აქვს.
![alt](/pictures/image50/3fcfefa7028b4160817ea7413740422f.jpg ""საუკეთესოა, ვისთანც ერთადაც მითამაშია" - "ღარიბების იბრაჰიმოვიჩი" კვარაცხელიას შესახებ საუბრობს")
კვარაცხელია მეშვიდეზე - ვინისიუსზე, გრინვუდსა და ჰადსონ-ოდოიზე წინ
