ტრავმამორჩენილმა ნახევარმცველმა გიორგი ჩაკვეტაძემ "ფეიენოორდთან" უკვე ძირითად შემადგენლობაში ითამაშა.
ეს ამხანაგური მატჩი როტერდამში "ფეიენოორდის" ბაზაზე მაყურებლების გარეშე ჩატარდა და 1:1 დასრულდა. "გენტის" მწვრთნელმა ჰეინ ვანჰაზებრუკმა ჩაკვეტაძე ამჯერად სასტარტოში დააყენა და მე-9 წუთზე ანგარიშის გახსნა შეეძლო - მან მარცხენა ფლანგზე სწრაფი კონტრშეტევისას დრიბლინგი განახორციელა და მეკარემ დაასწრო. გიორგიმ ჩათვალა, რომ გოლკიპერმა თამაშის წესები დაარღვია და პენალტს ითხოვდა, თუმცა მსაჯმა თერთმეტმეტრიანი არ დანიშნა.
პირველი ტაიმი 0:0 დასრულდა, ჩაკვეტაძე კი შესვენების შემდეგ ბრუნო ჯანიმ შეცვალა.
შეგახსენებთ, 19 ივნისს ჩაკვეტაძე სამოყვარულო "დიკელვენესთან" სპარინგში (3:2)
მეორე ტაიმში შევიდა შეცვლაზე.
22 ივლისს კონფერენს ლიგის საკვალიფიკაციო ეტაპის პირველ მატჩში "გენტი" ნორვეგიის "ვოლერენგას" უმასპინძლებს, ხოლო საპასუხო შეხვედრა 29 ივლისს გაიმართება.
![alt](/pictures/image50/25a90460ca3f2ada788b2dc8e0e8a39e.jpeg "ჩაკვეტაძემ "ფეიენოორდთან" სასტარტოში ითამაშა")
მხიარული სახეები "გენტში" - ჩაკვეტაძე ბრუნდება და ძველებურად უნდა ათამაშდეს [PHOTO]
