ხვიჩა კვარაცხელიას სატრანსფერო საკითხის აქტუალობა არ იკლებს. რუსულმა გამოცემა Sport-express-მა ქართველ გარემარბთან მცირე ინტერვიუ ჩაწერა:- ყველა წერს, რომ "რუბინს" დატოვებთ. შეგიძლიათ რამე ახალი თქვათ?
-მე ისევ "რუბინის" მოთამაშე ვარ. შემდეგ რა მოხდება, ეს მხოლოდ ღმერთმა იცის.
- აღიარებთ, რომ სეზონის დაწყება ისევ "რუბინში" შეგიძლიათ?
- რატომაც არა?! ჯერ არ ვიცი, რა მოხდება, დაველოდოთ.
შეგახსენებთ, ცოტა ხნის წინ "რუბინის" გენერალურმა დირექტორმა რუსტამ საიმანოვმა განაცხადა, რომ კვარაცხელიასთან დაკავშირებით "რუბინს" არცერთი ოფიციალური წინადადება არ მიუღია. უცხოური მედია ქართველი ფეხბურთელის მიმართ სხვადასხვა კლუბის სატრანსფერო გეგმებზე საუბრობდა, თავად კვარაცხელიამ კი "ლიდსის" ინტერესი დაადასტურა.
"კვარაცხელია პროგრესირებს, ფიზიკურად მომძლავრდა და ევროპაში უნდა წავიდეს", - ამბობს "ლოკომოტივის" ექსმწვრთნელი
სლუცკი: "მზადებაში კვარაცხელიას შესაძლო წასვლას ვითვალისწინებთ"
"ერთი ოფიციალური წინადადებაც კი არ არსებობს..." - საიმანოვი ქართველის ტრანსფერზე ალაპარაკდა
