Metaratings.ru-ს ინფორმაციით, ყაზანის "რუბინისა" და საქართველოს ნაკრების შემტევი ხვიჩა კვარაცხელია კარიერას "მილანში" განაგრძობს. წყაროს ცნობით, მხარეებმა ხელშეკრულება უკვე შეათანხმეს და ხვიჩას რეკომენდაცია კახა კალაძემ გაუწია.
როგორც იცით, "მილანის" მხრიდან კვარაცხელიას მიმართ ინტერესზე დიდი ხანია იწერება. ვნახოთ, რამდენად მართალი აღმოჩნდება ეს ინფორმაცია.
აქვე გეტყვით, რომ ამ წუთებში "რუბინი" რუსეთის პრემიერ ლიგის პირველ ტურში "სპარტაკს" ეთამაშება და კვარაცხელია ძირითად შემადგენლობაშია.
