20 წლის თავდამსხმელ ნიკოლოზ ქუთათელაძის აგენტები "სპარტაკს" უჩივლებენ, თუ მათ კლიენტს სეზონის განაცხადში არ შეიყვანენ, - იტყობინება "სპორტ-ექსპრესი".
კლუბის სპორტულ დირექტორთან, დმიტრი პოპოვთან გაგზავნილი წერილი გამოცემამ გამოაქვეყნა:
"მიუხედავად იმისა, რომ ჩვენი კლიენტი ყოველთვის სანიმუშოდ ასრულებდა თავის მოვალეობას, ცხადია, მის სამსახურს აღარ საჭიროებთ, რამეთუ თქვენი მეორე გუნდის განაცხადში არ არის შეყვანილი.
მეტიც, კლუბის წარმომადგენელმა მას ურჩია ახალი გუნდი მოძებნოს ან ხელფასის შემცირებაზე დათანხმდეს. იმდენად, რამდენადაც, გასამრჯელოს შემცირებაზე არ დათანხმდა, ის ჩემპიონატის განაცხადში დარეგისტრირებული არ არის. თქვენი კლუბი სერიოზულად არღვევს საკონტრაქტო ვალდებულებებს.
მიუხედავად ამისა, ჯერ კიდევ დარწმუნებული ვართ, რომ მსოფლიოს რეპუტაციის მქონე კლუბის მიმართ უხერხული იურიდიული პროცედურების გარეშე საკითხის გადაწყვეტას შევძლებთ".
Metaratings-ის ცნობით, ქუთათელაძე "სპარტაკი 2"-ში ერთ-ერთი ყველაზე მაღალანაზღაურებადი ფეხბურთელია, მისი თავიდან მოცილება სურთ, კლუბს ეძებენ და თუ 7 სექტემბრამდე ვერ მოიძიეს, განაცხადში შეიყვანენ.
ქუთათელაძემ რუსეთის მოქალაქეობა მიიღო და 21 ივლისიდან ლეგიონერად არ ითვლება. გასულ სეზონში მან "სპარტაკი 2"-ის შემადგენლობაში 4 მატჩში მიიღო მონაწილეობა. ნიკოლოზს საქართველოს 17-წლამდელთა ნაკრებში 4 შეხვედრა აქვს ჩატარებული.
![alt](/pictures/image50/367b386cf5b57356994f81a7e91d3bf0.jpg ""სპარტაკმა" ქუთათელაძეს, რომელმაც რუსეთის მოქალაქეობა მიიღო, უგანა")
"სპარტაკის" თავდამსხმელი ქუთათელაძე რუსეთის მოქალაქე გახდა
![რუსეთში დაბრუნებულმა ქუთათელაძემ სადებიუტო მატჩში ულამაზესი გოლი გაიტანა [VIDEO]](/pictures/image7/f6379ec3ec5c55042a063f24530bd07c.jpg "რუსეთში დაბრუნებულმა ქუთათელაძემ სადებიუტო მატჩში ულამაზესი გოლი გაიტანა [VIDEO]")
![მიქაუტაძის მეათე გოლი ლიგა 2-ში - "მეცი" ფრეს დასჯერდა, ზურიკოს "ბორდო" დამარცხდა [VIDEO]](/pictures/image7/5d7f5452d0d446bf5509ad225e007fdc.jpg "მიქაუტაძის მეათე გოლი ლიგა 2-ში - \"მეცი\" ფრეს დასჯერდა, ზურიკოს \"ბორდო\" დამარცხდა [VIDEO]")
