რუსეთის ჩემპიონატის მეორე ტურში "რუბინმა" ტულაში "არსენალი" 3:0 დაამარცხა.
შესანიშნავად ითამაშა სტუმართა გუნდის გარემარბმა ხვიჩა კვარაცხელიამ, რომელმაც მე-40 წუთზე ლამაზი გოლი გაიტანა და ანგარიში 0:3 გახდა. ხვიჩამ იქამდე ჯორჯე დესპოტოვიჩს საჯარიმოში გადაცემა გაუკეთა, ის წააქციეს და პენალტი თავად დაზარალებულმა გამოიყენა.
კვარაცხელიას ძალიან ეუხეშებოდნენ, შეიძლება ითქვას, "ნადირობდნენ" კიდეც, დრიბლინგისას გეორგი კოსტადინოვმა და იგორ სმოლნიკოვმა მოცელეს და მსაჯმა ორივეს ყვითელი ბარათი უჩვენა. მას ექიმების დახმარებაც დასჭირდა და საბედნიეროდ ტრავმას გადაურჩა. 69-ე წუთზე ყაზანური გუნდის მწვრთნელმა ლეონიდ სლუცკიმ ჩათვალა, რომ მატჩის ბედი გადაწყვეტილი იყო, აღარ გარისკა და ხვიჩა სოლტმურად ბაკაევით შეცვალა.
მასპინძელთა გუნდში შესვენებამდე ითამაშა ზურიკო დავითაშვილმა.
"რუბინმა" პრემიერლიგის სტარტზე მეორე გამარჯვება მოიპოვა, გალიდერდა და 8 აგვისტოს, მესამე ტურში "ახმატს" უმასპინძლებს. შეგახსენებთ, ყაზანური გუნდი კონფერენს ლიგის გათამაშების მესამე ეტაპზე პოლონურ "რაკუვს" დაუპირისპირდება - 5 და 12 აგვისტოს.
![alt](/pictures/image50/474c516ab8042b081ff545fa30d6952b.jpg "ხვიჩას დიდებული გოლი - მასზე "ნადირობდნენ" და ტრავმას გადაურჩა [VIDEO]")
"მილანს" კვარაცხელია აღარ სურს, თუმცა ფეხბურთელს მაინც რუსეთიდან დაიმატებს
![დავითაშვილის სუპერგოლი - ქართველმა ზედიზედ მეხუთე მატჩში გამოიჩინა თავი [VIDEO]](/pictures/image7/3286ef417eecda999efa875f15151d27.jpg "დავითაშვილის სუპერგოლი - ქართველმა ზედიზედ მეხუთე მატჩში გამოიჩინა თავი [VIDEO]")
