mk.ru-სთან ინტერვიუში მოსკოვის "დინამოსა" და საბჭოთა კავშირის ნაკრების ყოფილმა მეკარემ, ვლადიმირ პილგუიმ, "რუბინის" გარემარბ ხვიჩა კვარაცხელიაზე ისაუბრა.
- საკუთარ მოედანზე სრულიად მოულოდნელად "კრილია სოვეტოვთან" ქულების დაკარგვა - ეს ევროთასზე წარუმატებლობის შედეგია თუ ლეონიდ სლუცკის გუნდი ნაადრევად ჩათვალეს მედლების მთავარ კანდიდატად?
- სლუცკის ხელში გუნდი სრულიად სხვაგვარად ათამაშდა. მწვრთნელს რაიმე დიდი შენაძენები არ გაუკეთებია, თამაში დაალაგა, ხოლო "რუბინში" მყოფმა ბევრმა ფეხბურთელმა შესამჩნევად მოუმატა. თუმცა, დარწმუნებული არ ვარ, რომ სლუცკის გრძელი სათადარიგოთა სკამი აქვს ტურნირის მთელი დისტანციის თანაბრად გასავლელად.
ასე რომ, ყაზანელთა პოტენციალს
ფრთხილად ვაფასებ. თუ "კრილიასთან" მატჩზე ვისაუბრებთ, მივიჩნევ, რომ შედეგზე "რაკუვთან" განცდილმა მარცხმა იმოქმედა. "რუბინმა" კარგად ითამაშა და შემდეგ რაუნდში გასვლას იმსახურებდა, მაგრამ ფეხბურთში ასე ხდება ხოლმე. გუნდი ფსიქოლოგიურად გატყდა, რომლისგან გამოსვლა სამარელებთან შეხვედრისთვის ვერ მოახერხა.
- ერთ-ერთი კაშკაშა ფიგურა არა მარტო "რუბინში", არამედ მთელ პრემიერლიგაში ხვიჩა კვარაცხელიაა. მხოლოდ მის ევროპის რომელიმე წამყვან ლიგაში გადასვლაზე საუბრობენ. ასეთი მოთამაშის დაკარგვა ყაზანელთათვის აუნაზღაურებელი დანაკლისი იქნება?
- ინდივიდუალურად ასეთი საუცხოო ფეხბურთელის შეცვლა სლუცკისთვის პრაქტიკულად შეუძლებელია. გუნდური თამაშის ერთ ფეხბურთელზე აწყობა არასწორია, მაგრამ ასეთი შემსრულებელი ჩვენს ფეხბურთში თითქმის არ არის. სანამ ხვიჩა თამაშობს, გოლებს იტანს, მეტოქის კართან თამაშს ამწვავებს - "რუბინი" იმარჯვებს. კვარაცხელიამ ტრავმა რომ მიიღოს ან სხვა ჩემპიონატში წავიდეს, ჩემი აზრით კი, მოვლენების ასეთი განვითარების ალბათობა 90%-ია, მთელი გუნდის თამაშის გადაწყობა გახდება საჭირო.
![alt](/pictures/image50/7bf84b2baf69ab8859c2bbeb08748426.jpg ""სანამ კვარაცხელია ჰყავთ, "რუბინი" იმარჯვებს, მაგრამ შემდეგ..." - ამბობს სსრკ-ის ნაკრების ყოფილი მეკარე")
Golden Boy 2021 - ხვიჩა მე-6 ადგილზეა, პირველობისთვის კი გულშემატკივრების მხარდაჭერა სჭირდება
