კვიპროსის ჩემპიონატის მეშვიდე ტურში "ანორთოსისი" 1:2 დამარცხდა აეკ-თან.
გიორგი ლორიამ შეუცვლელად ითამაშა და რამდენჯერმე გადაარჩინა თავისი გუნდი. ნიკა კაჭარავა 61-ე წუთზე შევიდა შეცვლაზე და 64-ე წუთზე კარგი მომენტი ვერ გამოიყენა, ხოლო ნიკა ნინუა სათადარიგო იყო.
აეკ-ი 35-ე წუთზე პენალტით ტრიჩკოვსკიმ დააწინაურა. 49-ე წუთზე დერბიშირმა დალაშქრა ლორიას კარი, ხოლო 90+4-ე წუთზე ხრისტოპოლოდულოსმა თერთმეტმეტრიანით ერთი საპასუხო გოლი გაიტანა.
აღსანიშნავია, რომ 78-ე წუთზე ხრისტოპოლოდულოსის მიერ შორიდან დარტყმული ბურთი ხარიხას მოხვდა და თითქოს კარის ხაზს შიგნით დაეცა. "ანორთოსისის" გახარებულმა მწვრთნელმა თემურ ქეცბაიამ ხელები ასწია,
მაგრამ მსაჯმა გოლი არ ჩათვალა.
"ანორთოსისი", რომელსაც 1 მატჩით ნაკლები აქვს ჩატარებული, 12-გუნდიან ჩემპიონატში 6 ქულით მეათე ადგილზეა და 29 ოქტომბერს "ომონიას" შეხვდება.
საერთოდ კი, უნდა ითქვას, რომ ქართველების (დაუშვილი, ოქრიაშვილი და ქვილითაია) წასვლის შემდეგ გუნდის სათამაშო სისტემა მოიშალა, ახლის ასაწყობად კი დროა საჭირო.
![alt](/pictures/image50/8611e7276785bb8470fbe14d9e9d32dd.jpg ""ანორთოსისი" ძველებურად ვეღარ თამაშობს და ისევ დამარცხდა")
კაჭარავას საგოლე პასი - "ანორთოსისმა" "ფლორასაც" ვერ მოუგო
