კონფერენს ლიგის ჯგუფური ეტაპის მეოთხე ტურში „ანორთოსისი“ ტალინში „ფლორასთან“ ფრეს დასჯერდა - 2:2.
ფამაგუსტური გუნდის მწვრთნელმა თემურ ქეცბაიამ ნიკა კაჭარავა შეუცვლელად ათამაშა, ნიკა ნინუა ისევ სათადარიგოთა შორის დატოვა, ხოლო გიორგი ლორია განაცხადში არ იყო.
ამ გუნდების წინა მატჩი ნიქოზიაში 2:2 დასრულდა და მაშინაც „ანორთოსისი“ 2:0-ს იგებდა. დღევანდელი შეხვედრაც ანალოგიური სცენარით განვითარდა: 28-ე წუთზე დემეტრის ხრისტოფიმ „ანორთოსისი“ დააწინაურა, 33-ე წუთზე დენის პოპოვიჩმა კაჭარავას პასით დალაშქრა ესტონელთა კარი, მეორე ტაიმის დასაწყისში საპინენმა და ზენიოვმა გაიტანეს და ანგარიში გათანაბრდა.
კვიპროსული პრესა აღნიშნავს, რომ კაჭარავამ ტალინში ადრე საქართველოს ნაკრების შემადგენლობაში გაიტანა გოლი, ამჯერადაც არ გაისარჯა ურიგოდ და „ანორთოსისის“ ძირითად შემადგენლობაში იმკვიდრებს ადგილს. შეგახსენებთ, ნიკამ ჩემპიონატის გასულ ტურში „ომონიას“ გაუტანა და თავის გუნდს გამარჯვება მოუპოვა.
„ანორთოსისი" B ჯგუფში 2 ქულით ბოლო ადგილზეა და 26 ნოემბერს „გენტს“ უმასპინძლებს, რომელიც დღეს საკუთარ მოედანზე „პარტიზანს“ დაუპირისპირდება.
![alt](/pictures/image50/395819999c4cd9ff88a275a3cea188b8.jpg "კაჭარავას საგოლე პასი - "ანორთოსისმა" შეცდომებზე ვერ ისწავლა")
ქეცბაია შეცდომებზე სწავლის იმედით, ჩაკვეტაძე ჯგუფის ლიდერის განაცხადში
