ხვიჩა კვარაცხელიას წარმატებულ სანაკრებო შეხვედრებს (შვედეთის კარში დუბლს) Eurosport italia გამოეხმაურა, მის "მილანში" შესაძლო ტრანსფერსა და სამომავლო პერსპექტივებზეც ისაუბრა:"საქართველო-შვედეთის (2:0) აბსოლუტურ გმირ ხვიჩა კვარაცხელიათი ზაფხულში უამრავი კლუბი იყო დაინტერესებული - "ტოტენჰემი", "ლევერკუზენი", "მილანი". ფეხბურთელმა, რომელიც 2001 წელს დაიბადა, 16 წუთში გაფორმებული დუბლით, ზლატან იბრაჰიმოვიჩსა და მის გუნდს პრობლემები შეუქმნა და ამით ესპანეთის ნაკრებს მსოფლიო ჩემპიონატზე გასვლაში დაეხმარა.
ხვიჩა თბილისის "დინამოში" აღიზარდა, ისევე, როგორც "როსონერის" ყოფილი მცველი კახი კალაძე. ქართველი "მილანის" ხორვატი ფეხბურთელის, ანტე რებიჩის სტილის გარემარბია (სიმაღლე 183 სმ),
კვარაცხელია ბურთთან ერთად სწრაფად მოძრაობს და შესანიშნავი დრიბლიორია. მიმდინარე სეზონში "რუბინი" დამაჯერებლად ვერ გამოიყურება (მე-8 ადგილს იკავებს), შესაბამისად, ხვიჩაც ჯერჯერობით მხოლოდ 1 გოლსა და 2 შედეგიან გადაცემაზეა შეჩერებული, როცა გასულ წელს მეტოქის კარი 4-ჯერ აიღო და 8 საგოლე პასი ჰქონდა. ქართველის საბაზრო ღირებულება 15- 18 მილიონი ევროა."
![alt](/pictures/image50/05cff404c3e7311844dfe77b823a6ce1.jpg "Eurosport ხვიჩას დუბლზე, "მილანსა" და რებიჩთან შედარებაზე")
"კვარაცხელიას თამაში ორ ნაწილად შეიძლება გაიყოს..." - სანიოლი
![alt](/pictures/image50/cdb74bf7d3b984274284650cbf05ea15.jpg "Eurosport ხვიჩას დუბლზე, "მილანსა" და რებიჩთან შედარებაზე")
Calciomercato: მაისში კვარაცხელიას "მილანში" ტრანსფერი "რუბინის" მოთხოვნილი 20 მილიონის გამო არ შედგა![alt](/pictures/image50/6f178f23a94a2c4c938c45fb9784e6a4.jpg "Eurosport ხვიჩას დუბლზე, "მილანსა" და რებიჩთან შედარებაზე")
"სახელი ხვიჩა კვარაცხელია შვედეთის ისტორიაში აუცილებლად შევა..." - შვედი ბლოგერი
