ესპანეთში სატრანსფერო ფანჯარა 2022 წლის 3-31 იანვრის პერიოდში გაიხსნება. ამისთვის ხოსე ბორდალასი და "ვალენსიაც" ემზადებიან. eldesmarque-ი რამდენიმე ფეხბურთელის ირგვლივ საუბრობს.ესპანური გამოცემა გიორგი მამარდაშვილზე წერს, რომ მისი გამოსყიდვის საკითხი საბოლოოდ უნდა გაირკვეს. ამავდროულად, შესაძლოა, გუნდი მეკარე კრისტიან რივერომ დატოვოს.
როგორც ჩანს, "ღამურებს" ცენტრალური მცველის შეძენა ძალიან სჭირდება და საინტერესო კანდიდატურაც ჰყავს - 35 წლის დიეგო გოდინი. მდიდარი საკლუბო კარიერის მქონე ურუგვაელი ამჟამად "კალიარიში" გამოდის.
გუნდიდან წამსვლელთა სიას "სათავეში" 21 წლის ფორვარდი მანუ ვალიეხო უდგას, რომელიც სავარაუდოდ, იჯარით ისევ "კადისს" შეუერთდება.
ასე რომ, "ვალენსია" სატრანსფერო პერიოდში პასიურობას არ აპირებს, ჩვენთვის ყველაზე საინტერესო კი მამარდაშვილის საკითხია, რომელიც ჯერ კიდევ თბილისის "დინამოს" საკუთრებაა.
რა მოხდება ზაფხულში? deportevalenciano: სილესენი მამარდაშვილთან კონკურენციაში მშვიდადაა
ქართველი მეკარეების ორშაბათი - მაკარიძისა და მამარდაშვილის შანსები
მამარდაშვილი თუ ხაუმე? - plazadeportiva-ს მთავარი დილემა
