კვიპროსის თასზე "პაფოსთან" (3:1) გამარჯების შემდეგ "ანორთოსისის" მთავარმა მწვრთნელმა თემურ ქეცბაიამ კომენტარი გააკეთა:"ისეთ კარგ გუნდთან მოვიგეთ, როგორიც "პაფოსია". მათ ჩვენზე უკეთ დაიწყეს და წინაც გავიდნენ, შემდეგ კი თამაში დავაბალანსეთ და გარკვეული შანსები მივიღეთ. შესვენების შემდეგ გოლი გავიტანეთ და საქმეც ბევრად გაგვიმარტივდა. მეტოქის კარი კიდევ ორჯერ ავიღეთ და შემდეგ ეტაპზე გასასვლელად პირველი ნაბიჯი გადავდგით. ჩვენს ფეხბურთელებს გამარჯვებას ვულოცავ."
ფამაგუსტელთა ერთადერთი ქართველი ლეგიონერი გიორგი ლორია შეხვედრაში არ მონაწილეობდა. Philenews-ის მიხედვით, ქეცბაიას როტაციის გათვალისწინებით, მოსალოდნელი იყო, რომ სათასო შეხვედრაში მეკარე ცური ითამაშებდა. 24 იანვარს
"ანორთოსისის" ქამბექი! ქეცბაიას გუნდის მიჯრით მე-5 გამარჯვება
