თუ "რუბინს" ჩემპიონატის საგაზაფხულო ნაწილიც ჩაუვარდება, ეს დიდად იმოქმედებს გუნდის ლიდერების სატრანსფერო ღირებულებაზე - ამის შესახებ რუსეთში ცნობილმა საფეხბურთო აგენტმა თემურ ღურწკაიამ Comment.Show-ის ეთერში განაცხადა.ღურწკაია გაკვირვებულია, რომ ზამთრის სატრანსფერო ფანჯრის დროს არცერთი კლუბის მხრიდან კვარაცხელიას მიმართ ინტერესი არ ყოფილა. არადა, ჯერ კიდევ ზაფხულში მის ევროპაში 20 მილიონ ევროდ გაყიდვას ელოდნენ.
"ხვიჩაზე საუბარი საერთოდ არ მიდის, - თქვა თემურმა. - თითქოს ასეთი ფეხბურთელი არც არსებობს. მის მიმართ ინტერესი საერთოდ არ არის. თუ გაზაფხულზეც ვერ ათამაშდება, ახლა მაინც გადაიხდიან 10 მილიონს?
სეზონის პირველ ნახევარში კვარაცხელიამ 15 მატჩში ერთი გოლი გაიტანა და ორი საგოლე გადაცემა შეასრულა. დეკემბერში, ფეხბურთელების სატრანსფერო ღირებულების განახლების შემდეგ, გერმანულმა პორტალმა Transfermarkt-მა ხვიჩა 16 მილიონ ევროდ შეაფასა, თუმცა მანამდე მის გასწვრივ 18 მილიონი ეწერა.
მომზადებულია business-gazeta-ს მიხედვით
![alt](/pictures/image50/1bc4050c36701ea387aea5e40386c7e1.jpg ""ახლა მაინც გადაიხდიან 10 მილიონს?" - ღურწკაია ხვიჩაზე საუბრობს")
"გოლოვინი, კვარაცხელია და ჰოლანი კლუბებს შეიცვლიან" - Championat
![alt](/pictures/image50/764518c68dcc54fe704594b628f8cff3.jpg ""ახლა მაინც გადაიხდიან 10 მილიონს?" - ღურწკაია ხვიჩაზე საუბრობს")
შედარება ჯანოსთან, "ოქრისა" და ჭანტურიასთან - იტალიელები კვარაცხელიაზე
![alt](/pictures/image50/1329577f21ccb72b7b5c140a92aa950e.jpg ""ახლა მაინც გადაიხდიან 10 მილიონს?" - ღურწკაია ხვიჩაზე საუბრობს")
კვარაცხელიას გასხვისებით "რუბინი" მაინც იხეირებს - Euro-football
20 წლის ასაკში დაუმთავრეს ლამის კარიერა.
ნეტა ცნობილი სთარები თუ გახსოვთ სად იყვნენ 20 წლის ასაკში.
ნუ გამონაკლისებზე არ ვსაუბრობ 17 წლისები რომ გამოჩდნენ.
თუმცა ისეთებიც გვინახავს, ვინც ძალიან ადრე გამოჩნდა და ახლა აზრზე არ ვართ სად არიან.
მაგალითად ბოიან კრკიჩი.
17 წლის იყო ლამის მესის დონეზე თამაშობდა და როგორ წავიდა მისი კარიერა ხომ ვნახეთ.
ფეხბურთი ისეთი სპორტია წინასწარ ვერავინ ვერაფერს იტყვის და მოდი ხვიჩას თავი დაანებონ ამ რუსებმა რა :დ
ახლა ვერ შევცვლით იმ ფაქტს, რომ 18 წლის ასაკში რუსეთში წაიყვანეს.
ჩავარდნაზე რომ საუბრობენ ჯერ, იმას მიაქციონ ყურადღება, რომ ტრავმა ჰქონდა და პლიუს რუბინში რა დონის მოთამაშეებთან უწევდა თამაში.
ნაკრებში შვედეთთან რომ გაიბრწყინა იმის მერე სულ ორი სამი თამაში ჩაატარა რუბინში და რას ნიშნავს კარიერის დაღუპვა და თვითგვემა?
თავიდანვე რომ არ წაეყვანათ რუსეთში კარგი იყო, მაგრამ ახლა ეს მოცემულობა გვაქვს და რუსი ჟურნალისტების უაზრო კრიტიკას თუ არ აყვებით აქ კარგს იზამთ.
თქვა კიდეც ხვიჩამ, დიდ ყურადღებას არ ვაქცევო და იმედია მართლა ეგრეა :)