გუშინ ფიფამ რუსეთის პრემიერლიგაში მოასპარეზე ლეგიონერებს კლუბებთან კონტრაქტების შეჩერების და არა გაწყვეტის უფლება მისცა. ამის გამო ფიფა პროფესიონალ ფეხბურთელთა საერთაშორისო ასოციაციამ (FIFPro) გააკრიტიკა:
"ფიფამ რუსეთის პრემიერლიგის ლეგიონერების მიმართ ძალიან გაუბედავი გადაწყვეტილება მიიღო. მათთვის ხელშკრულებების გაუქმების უფლება უნდა მიეცათ. ფეხბურთელებს სეზონის დარჩენილ ნაწილში გაუჭირდებათ კლუბების მოძებნა.
რამდენიმე კვირაში ისინი ისევ რთულ სიტუაციაში აღმოჩნდებიან. ჩვენ განვუცხადეთ ფიფას, რომ საჭირო იყო კონტრაქტების გაწყვეტის უფლება მიეცათ", - ნათქვამია განცხადებაში, რომელიც "გარდიანმა" გამოაქვეყნა.
შეგახსენებთ, ფიფას განკარგულების თანახმად, ლეგიონერებმა 7 აპრილამდე უნდა გააფორმონ ახალ კლუბთან კონტრაქტი,
30 ივნისს კი უკან დაბრუნება მოუწევთ.
ფიფას ნაბოძები დროებითი თავისუფლება თუ ქართველი ლეგიონერებისთვის რუსეთიდან თავის დახსნის საშუალება?
