"რუბინის" ნახევარმცველი ხვიჩა კვარაცხელია თბილისში ჩამოვიდა და შეიძლება სანაკრებო პაუზის შემდეგ ყაზანში არ დაბრუნდეს. კვარაცხელიას შესახებ, გაგიკვირდებათ და, კომენტარი რუსეთის სახელმწიფო დუმის დეპუტატმა სვეტლანა ჟუროვამ გააკეთა. რუსული პრესა ამტკიცებს, რომ ხვიჩას რუსეთში თამაშის გამო მის ოჯახზე საქართველოში დიდი ზეწოლაა. ეს ინფორმაცია აგრეთვე ბევრმა დასავლურმა და მათ შორის, ბრიტანულმა "დეილი სტარმაც" გაავრცელა.
"მე იარლიყს არ ჩამოვკიდებდი. ამჟამინდელი სიტუაცია ჯანსაღ ანალიზს არ ემორჩილება. ყველა ადამიანი თავის ახლობლებზე ღელავს. მე მისი გაკიცხვის უფლება არ მაქვს. თავის ქვეყანაში შეიძლება უსიამოვნებები შეხვდეს იმის გამო, რომ
რუსეთში სათამაშოდ დარჩეს. სურვილი მისგან უნდა მოდიოდეს. შესაძლოა, საჭიროა სულ წავიდეს, არავინ იცის, როგორი შედეგები შეიძლება იყოს", - ციტირებს ჟუროვას "სპორტ-ექსპრესი".
![alt](/pictures/image50/bd01ff80ad94805581ff6335e8af438c.jpg ""ხვიჩას გაკიცხვის უფლება არ მაქვს" - რუსეთის დუმის დეპუტატი")
სანაკრებო პაუზის შემდეგ კვარაცხელია რუსეთში აღარ დაბრუნდება?! - რა ინფორმაციას ავრცელებს რუსული პრესა და "რუბინის" პრესსამსახური
ხვიჩაზე თუნდაც საფეხბურთო თვალსაზრისით მოლაპარაკე რუსებმა პირი უნდა გამოირეცხონ. დიხ აქ არავის გვინდა, მანდ ფაშისტებმა გაიხაროთ ჩვენი ხვიჩას ფინტებით.