ეროვნული ლიგის მე-8 ტურში ბათუმის „დინამომ“ საკუთარ მოედანზე „გაგრა“, „საბურთალომ“ კი „ლოკომოტივი“ დაამარცხა.
ბათუმში მატჩი მართლაც ლამაზი სანახავი გამოდგა: ჯერ კვარაცხელიას დრიბლინგისა და საჯარიმოში ჩაწოდების შემდეგ ფლამარიონმა ანგარიში გახსნა. შემდეგ კვარაცხელიამ თავად გაიტანა. ეს ეროვნულ ლიგაში დაბრუნების შემდეგ მისი პირველი გოლია. თუმცა „გაგრა“ არ დანებდა და შონიამ თავისი ყოფილი გუნდის კარი დალაშქრა. 27-ე წუთზე კვარაცხელიამ საჯარიმოს გარედან საოცარი გოლი გაიტანა და ანგარიში 3:1 გახდა.
მეორე ტაიმი სტუმრებმა აქტიურად დაიწყეს, ორი მომენტი ვერ გამოიყენეს, გოლი კი მასპინძლებმა გაიტანეს - დუბლი ფლამარიონმა შეასრულა. 64-ე წუთზე შეცვლაზე დავითაშვილი შევიდა და აჭარულ გუნდში მისი დებიუტი შედგა. შეცვლაზე შესულმა "გაგრას" შემტევმა ბუხაიძემ მე-80 წუთზე ანგარიში შეამცირა, 86-ე წუთზე კი ასევე შეცვლაზე შესულმა რადინმა წარმოუდგენელი სილამაზის გოლი გაუტანა ქურდაძეს.
ბათუმის „დინამომ“ ლიდერობა დაიბრუნა და 23 აპრილს ქუთაისში „ტორპედოს“ დაუპირისპირდება, ხოლო 8 ქულით მე-8 პოზიციაზე მყოფი „გაგრა“ თბილისის „დინამოს“ შეხვდება.
ბათუმი.“აჭარაბეთ არენა“
დინამო (ბთ) - გაგრა 5:2
გოლები: 1:0 ფლამარიონი (4), 2:0 კვარაცხელია (7), 2:1 შონია (11), 3:1 კვარაცხელია (27), 4:2 ბუხაიძე (80), 5:2 რადინი (86)
დინამო (ბთ) (4-2-3-1): ალავიძე, ჩაბრაძე, კობახიძე (კ), აზაცკი, აზაროვი, ფალავანდიშვილი (რადინი 72), ალთუნაშვილი (ტეიდი 64), მამუჩაშვილი, ბიძინაშვილი (დავითაშვილი 64), კვარაცხელია (ლობჯანიძე 72), ფლამარიონი (ზარია 82)
გაგრა (4-2-3-1): ქურდაძე, ქობულაძე, კვირკველია, ნოზაძე, ხოსიტაშვილი (კ), სულთანიშვილი (ბუხაიძე 73), შეწირული, კვირკვია (ფარულავა 73), შონია (ვეკუა 58), ხაბელაშვილი (ჩოგაძე 58), ვაწაძე
დღესვე „საბურთალომ“ „ლოკომოტივს“ სძლია და მეოთხე ადგილზე დამკვიდრდა.
თბილისი. „მიხეილ მესხი“
საბურთალო - ლოკომოტივი 3:1
გოლები: 1:0 ანდრონიკაშვილი (5, საკ. კარში), 2:0 სიხარულიძე (61), 2:1 დარცმელია (68), 3:1 სიხარულიძე (90+5)
გაძევება: აწყურელი (84, ლოკომოტივი)
გამოუყენებელი პენალტი: ტაბატაძე (85, საბურთალო)
![alt](/pictures/image50/ee8bca7f629529b3304a4262f166007f.jpg "კვარაცხელიას შოუ, ფლამარიონის დუბლი, დავითაშვილის დებიუტი, რადინის სუპერგოლი - ბათუმის "დინამომ" ლიდერობა დაიბრუნა")
კვარაცხელია და დავითაშვილი კვირკველიას წინააღმდეგ - მატჩის დღე
![ეროვნული ლიგა. XVIII ტური. "დინამო" (თბ) - "გაგრა" [LIVE]](/pictures/image7/6cf3fa7f322a696b7f8aad497a079cbc.jpg "ეროვნული ლიგა. XVIII ტური. \"დინამო\" (თბ) - \"გაგრა\" [LIVE]")
![ეროვნული ლიგა. XVIII ტური. "სამტრედია" - "დინამო" (ბთ) [LIVE]](/pictures/image7/3d0177eb5fb7106e8355542893954f2a.png "ეროვნული ლიგა. XVIII ტური. \"სამტრედია\" - \"დინამო\" (ბთ) [LIVE]")
![ეროვნული ლიგა. XVII ტური. "გაგრა" - "იბერია 1999" [LIVE]](/pictures/image7/a34767226b08ade8801bd46892fd6b19.png "ეროვნული ლიგა. XVII ტური. \"გაგრა\" - \"იბერია 1999\" [LIVE]")
მთავარია ტრავმა არ მიიღოს!!!
ყველა გუნდს რო ნორმალური სტადიონი ქონდეს და ბევრ გუნდში იყოს ვაწაძის და თუნდაც კვარას დონის ფეხბურთელები... კვარას დიდხანს ვერ გააჩერებ, ცოდოცაა, მარა ცოტ-ცოტა ხანი ძაან აიწევს დონე... ესეთი თამაშები რო იყოს ხშირად ძაან შორს წავალთ ❤️
მაგრამ,
რასაც დაცვაში ველოდით ისიც დავინახეთ!!!
კოშმარს ცხადში ვნახავთ თუ ჩემპიონთა ლიგის შესარჩევამდე როტაციას არ მიმართავს დინამო ბათუმი დაცვით ფაზაში და ....
ჩაბრაძე ძალიან დიდხანს რჩება თავდასხმაში და ამ დროს კობახიძის და აზაცკის თამაშით ნუ რა ვიცი ესეშორს ვერ წავალთ!!!
ალთუნაშვილი ფალავადიშვილი ხავი ინიესტაა ძააან მაგრად ითამაშეს ბრაო..
სამგურალს ვერ გაუტანა და დიდ გუნდებს გაუტანსო?
აუ გაგრას თუ გაუტანა დიდი ამბავიო.
ე. ლიგის დონეზე კი გამოჩნდება მაგარი, აბა მაღალი დონის მცველები მოატყუოსო.
ესპანეთის და შვედეთის დაცვას ეთამაშა უმაღლეს დონეზე და ეგ ერთხელ გაუვარდაო :))
კარგია, ასე გააგრძელეთ. ესეთი კრიტიკა და ჰეითი, მხოლოდ რჩეულების ხვედრია.
მახსოვს მესიზე რომ წერდნენ, ხეტაფეს და ოსასუნას თუ უტანს დიდი ამბავიო
ნეტავ მართლა ჩელე იყოს ფეხბურთი ეცოდინება. რამ დაბოღმა?
ესპანელებმაც შეატარეს, აერიდნენ
გოლი რომ გაუჭედა