ავსტრიის ბუნდესლიგის 31-ე ტურში "ვოლფსბერგერმა" გასვლაზე "შტურმი" 4:1 დაამარცხა.
გრაცულ გუნდს მეორე ადგილი გარანტირებული აქვს, ჩემპიონ "ზალცბურგს" 11 ქულით ჩამორჩება და ამ მატჩს მისთვის არავითარი პრაქტიკული მნიშვნელობა არ ჰქონდა. "ვოლფსბერგერი" კი კონფერენს ლიგის საგზურისთვის იბრძვის და დღევანდელ შეხვედრაში გამარჯვება მოიპოვა.
სტუმრები მე-8 წუთზე ლუკა ლოჩოშვილმა დააწინაურა, რომელმაც 65-ე წუთზე ტრავმა მიიღო და შეცვალეს. მან ამ სეზონში ჩემპიონატის 28 მატჩში მიიღო მონაწილეობა და პირველი გოლი გაიტანა. ტრავმამორჩენილი "შტურმის" ნახევარმცველი ოთარ კიტეიშვილი 71-ე წუთზე შევიდა შეცვლაზე.
"ვოლფსბერგერი" 22 ქულით მე-5 ადგილზეა, უახლოეს მდევარ კლაგენფურტის "აუსტრიას" 2 ქულით უსწრებს და 21 მაისს ბოლო ტურში "რაპიდს" უმასპინძლებს. მე-5 პოზიციის დაკავების შემთხვევაში ლოჩოშვილის გუნდი კონფერენს ლიგაზე იასპარეზებს.
სასიხარულო ამბავი ნაკრებისთვის - კიტეიშვილი მომჯობინდა
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
