სერია A-ში ლუკა ლოჩოშვილის დებიუტი გასვლაზე მოურინიოს „რომასთან“ შედგა და მან თავი კარგად წარმოაჩინა.
„ვოლფსბერგერიდან“ „კრემონეზეში“ 10 აგვისტოს გადასულმა საქართველოს ნაკრების 24 წლის მცველმა ლოჩოშვილმა ჩემპიონატის პირველ ტურში ფლორენციაში "ფიორენტინასთან" წაგებულ მატჩში (2:3) მონაწილეობა იმის გამო ვერ მიიღო, რომ საბუთები ჰქონდა მოსაწესრიგებელი, დღეს კი მწვრთნელმა მასიმილიანო ალვინიმ „რომასთან“ ძირითად შემადგენლობაში დააყენა.
როგორც მოსალოდნელი იყო, ინიციატივას მასპინძლები ფლობდნენ, სტუმრები თავს იცავდნენ, ლუკა დიბალას მეურვეობდა და რამდენჯერმე ხისტადაც ეთამაშა, 3 ცენტრალურმცველიან ტაქტიკაში მარცხენა ფლანგზე იდგა, წინ შორეულ გადაცემებსაც არ ერიდებოდა და მეკარე რადუსთან ერთად თავის გუნდში საუკეთესო იყო. ერთხელ დიბალას ჩაუდგა მხარი და მეკარესთან პირისპირ არ გაუშვა, შემდეგ ძანიოლოს ვარდნაში სუფთად აართვა ბურთი, იტალიელმა თამაში ვერ გააგრძელა და ელ შაარავიმ შეცვალა. ლოჩოშვილს გოლის გატანაც შეძლო, მაგრამ შორიდან მის მიერ ძლიერად დარტყმული ბურთი მეკარე რუი პატრისიომ ძლივს მოიგერია.
65-ე წუთზე კუთხურიდან ჩაწოდებულ ბურთს სმოლინგმა კრემონელთა კარში მიუჩინა ადგილი და რომაელები დააწინაურა, 72-ე წუთზე კი მოურინიომ დიბალა შეცვალა, რომელსაც ლოჩოშვილმა გასაქანი არ მისცა. შეტევის გასაძლიერებლად ალვინიმ 85-ე წუთზე ლუკა გაიყვანა და მის ნაცვლად მოედანზე თავდამსხმელი ჩოფანი შეიყვანა, კომპენსირებულ დროში "კრემონეზეს" ნახევარმცველ პიკელის საჯარიმოდან დარტყმული ბურთი ძელს მოხვდა და "რომამ" 1:0 მოიგო.
„კრემონეზე“ შემდეგ შეხვედრას 27 აგვისტოს სახლში „ტორინოსთან“ გამართავს.
რომი. „ოლიმპიკო“
რომა - კრემონეზე 1:0
გოლი: სმოლინგი (65)
ლოჩოშვილი ფლორენციაშია - სამწუხაროდ, ლუკა საწყის 2 ტურს გამოტოვებს
7 და მეტი დაუწერეს ჩვენიანს და თქვენ
აკლებთ ნიშანს თუ?
პირველი თამაში ქონდა ბიჭს და მიუხედავად დაძაბულობისა როგორ ითამაშა.
რას ითხოვთ ვერ ვგებულობ. უშეცდომოთ ეთამაშა პირველივე თამაში?
რეებიც დაატრიალა იმით რატომ არ ვიამაყოთ?!