მატჩის დღე! კვარაცხელია ბრწყინვალე დებიუტს ფლორენციაში აგრძელებს...

ქართველი გულშემატკივრებისთვის "ნაპოლის" ყველა მატჩის მოახლოება, ფაქტობრივად, დღესასწაულთან ასოცირდება, ნებისმიერი შეხვედრის მიმართ დიდი მოლოდინია - ხვიჩა კვარაცხელიას თამაში ხომ სიამაყესა და სიამოვნებას იწვევს. "კვარამ" თამასა ძალიან მაღლა ასწია (უკვე 3 გოლი და 1 საგოლე პასი აქვს), თუმცა კარგად უნდა გვესმოდეს, რომ იტალიის ჩემპიონატში 38 ტურია ჩასატარებელი და ყველა მატჩში გატანა და შედეგიანი მოქმედებები წარმოუდგენელია. ამაზე იტალიელი ექსპერტებიც მიანიშნებენ.

დღეს, 28 აგვისტოს, სპალეტის გუნდს მე-3 ტურში ყველაზე ძლიერი მეტოქე ეყოლება, რომელსაც კი ახლად დაწყებულ სეზონში შეხვედრია - ფლორენციაში "ფიორენტინას" ესტუმრებიან. თუკი

ნეაპოლელები უდანაკარგოდ ასპარეზობენ, იტალიანოს გუნდს 4 ქულა აქვს. ფლორენციელებმა კონფერენს ლიგის პლეი-ოფში ითამაშეს (ჯგუფში გავიდნენ) და ცოტათი გადაღლილები იქნებიან. მათ ზედიზედ 2 ნულოვანი ფრე (0:0) აქვთ. ასე რომ, "ფიორესთვის" გოლის გატანა მარტივი სულაც არაა. აღსანიშნავია, რომ მთავარი მწვრთნელი მეკარის როტაციას მიმართავს, სერია "ა"-ში კი "ატალანტას" კარის ყოფილ დარაჯს, პიერლუიჯი გოლინის ენდობა. "ფიორენტინას" რიგებში მადრიდის "რეალიდან" იჯარით ფორვარდი ლუკა იოვიჩი ითამაშებს. მან იტალიის ჩემპიონატის საწყის ტურში გაიტანა კიდეც. აქვეა 33 წლის ვეტერანი, "მილანის" ექსნახევარმცველი ჯაკომო ბენავენტურა. გუნდის წინა ხაზშია რუსი ალეკსანდრ კოკორინი, რომელსაც 10 აპრილის შემდეგ არ უთამაშია.

ხვიჩას წინააღმდეგ თამაში "შახტარის" ყოფილ მცველს, 23 წლის ბრაზილიელ დოდოს მოუწევს, თუმცა სეზონის დასაწყისში როტაცია ამ გუნდში ჩვეულებრივი ამბავია და ბოლომდე ეს არავინ იცის. ნეაპოლურ კლუბში ახალწვეულები არიან, მათ შორის, შეტევაში, თუმცა კვარაცხელია-ოსიმენი-ლოსანოს სამეული ხელშეუხებელი იქნება... თუკი კრიშტიანო რონალდოს ტრანსფერი არ განხორციელდა.

"არტემიო ფრანკიზე" შეხვედრა თბილისის დროით 22:45 საათზე დაიწყება.

Sportall.Ge

ორშაბათს, 29 აგვისტოს კი, გიორგი მამარდაშვილის "ვალენსია" ესპანეთში ურთულეს მატჩს ჩაატარებს - მადრიდის "ატლეტიკოს" უმასპინძლებს.

ვალენსიელებს ერთი მოგება და ამდენივე მარცხი აქვთ. "ბილბაოსთან" (0:1) წაგებულ მატჩში გაშვებული გოლის დროს გიორგი მამარდაშვილი ნაკლებად დამაჯერებელი იყო. იმედია, ის ჩვეულ ფორმას დაიბრუნებს. დიეგო სიმეონეს გუნდთან ქართველ კიპერს საქმე არ უნდა მოაკლდეს.

"მესტალიაზე" გასამართი დაპირისპირება თბილისის დროით 23:59 საათზე დაიწყება.

alt "მათ ქართველი ვუნდერკინდი ხვიჩა კვარაცხელია ჰყავთ, ნეაპოლში თამაში ადვილი არ იქნება" - ბრიტანული "გარდიანი" "ლივერპულის" მეტოქეებზე