29 აგვისტოს გიორგი ჩაკვეტაძე 23 წლის გახდა. თითქოს საფეხბურთოდ იდეალური ასაკია, კარიერის ძირითადი სირთულეები გადალახული რომ უნდა გქონდეს და თამაშით ბოლომდე სიამოვნებას იღებდე. "ჩაკვე" ის კაცია, რომელსაც ამისთვის ყველანაირი რესურსი აქვს, თუმცა... ის ტოპლიგაში არაა, მაგრამ ქართველ გულშემატკივრებს მისი თამაში მაინც ძალიან აინტერესებთ და მხარს უჭერენ.თუკი კარგად დავაკვირდებით, ეროვნულ ლიგაში საინტერესო ახალბედას ყოველთვის აღმოვაჩენთ. 2017 წელს ასეთი გიორგი ჩაკვეტაძე იყო, ბურთთან განსაკუთრებული მოპყრობითა და მოედნის ხედვით რომ გამოირჩეოდა, თანაც ყველაფერს სხარტად აკეთებდა. წარსული გამოცდილების გამო ბელგიის ჩემპიონატის ტრამპლინად გამოყენება
"ერთა ლიგის" პირველი გოლის ავტორი - ეს გიორგი ჩაკვეტაძის ისტორიაა. მაშინ არავინ იცოდა, რომ ჩვენთვის მომავალში საკმაოდ წარმატებულ ტურნირს გამარჯვებით დავიწყებდით, ყაზახური ფეხბურთის პროგრესი გვაშინებდა, ანაც საკუთარი ძალების არ გვწამდა. ვლადიმირ ვაისს დებიუტანტებზე დაყრდნობა მაინცდამაინც არ უყვარდა, თუმცა "ჩაკვეს" ენდო. პირველ ტურშიც, როცა მას თამაში თითქოს აღარ მისდიოდა, გიორგი წამიერად აფეთქდა. ეს იყო ის წერტილი, რის გამოც ჩაკვეტაძემ ტურნირის ჯგუფურ ეტაპზე "დახატა", იგივე ყაზახეთთან თბილისში გატანილი გოლი კი ყველაფერ ამის დაგვირგვინება გახდა.
ვაისის ნდობა დღემდე გრძელდება. სლოვაკმა სპეციალისტმა იცის, ვისთან აქვს საქმე და ყველანაირად ცდილობს, ქართველმა ფეხბურთელმა საკუთარი თამაში იპოვოს, ასე მონატრებული გოლი გაიტანოს ("ჰამბურგის" რიგებში მეტოქის კარი 2 აპრილს აიღო, მანამდეც "მშრალი" სერია ჰქონდა). გიორგიზე "ჯვაროსნების" ამჟამინდელი თავკაცი ვილი სანიოლიც ბევრს ფიქრობს, ყველაფერს აკეთებს, თავდაჯერება დაუბრუნდეს. ესაა ის, რაც "ჩაკვეს" "გენტში" აკლდა - როცა მისი სწამთ, ენდობიან და უყურადღებოდ არ ტოვებენ, ჯანმრთელობაზე ზრუნავენ.
როგორც შესაბამისი სპეციალისტები ამბობენ, მუხლის ის მძიმე ტრავმა, რის გამოც გიორგის ბევრი გაუცდა, გარკვეული რეციდივის შიშს მუდმივად ტოვებს და ამ მხრივ ფსიქოლოგიური მდგომარეობის დაძლევა ყველაზე მნიშვნელოვანია. ჩაკვეტაძე 2 წელი ნორმალურად თამაშს ვერ ახერხებდა. 19 წლის ქართველს ხომ მადრიდის "რეალს", "ბარსელონას" და "ტოტენჰემს" უკავშირებდნენ. ვაისმა ბრატისლავურ წარდგენაზე სწორედ ეს განაცხადა, გიო გრანდებს აინტერესებდათო.
უახლოეს სანაკრებო პაუზამდე "სლოვანი" 6 მატჩს ჩაატარებს, მათ შორის ორს კონფერენს ლიგის ჯგუფურ ეტაპზე, "ჟალგირისსა" და "პიუნიკთან". კაშიასა და კანკავასთან ერთად, საქართველოს ნაკრების ექსდამრიგებელი ვაისი ჩაკვეტაძესაც ნდობას გამოუცხადებს. სლოვაკი ცდილობს, მოთამაშისთვის იდეალური პოზიცია მოძებნოს. "ჩაკვე" "ერთა ლიგის" ჯგუფური ეტაპის დასკვნით მატჩებში ჩვენს ეროვნულ ნაკრებს კარგ ხასიათსა და ფორმაში სჭირდება.
იმდენი დადებითი და უარყოფითი რამ გავიხსენეთ, რთული დასაჯერებელია, რომ 23 წლის ფეხბურთელზე ვსაუბრობთ, ეს კი ის ასაკია, სადაც სინანულისა და წარსულში საუბრის დრო დაუშვებელია, წინ მომავალია...
ვაისმა ჩაკვეტაძეზე და მარცხზე კომენტარი გააკეთა
ჩაკვეტაძემ გადამწყვეტი პენალტი ვერ გაიტანა - "სლოვანი" და "ნეფთჩი" გამოვარდნენ, "ლეხი" გავიდა [VIDEO]
![ჩაკვეტაძის "უოტფორდმა" ორი წაგების შემდეგ გაიმარჯვა [VIDEO]](/pictures/image7/cd14f87308870619ad818195b605b3fb.jpg "ჩაკვეტაძის \"უოტფორდმა\" ორი წაგების შემდეგ გაიმარჯვა [VIDEO]")
აბა შენ იცი, თვალი დაუყენე ფეხბურთის არ მცოდნეებს
ჩაკვე ნურც მუხლს დაზოგავ და ნურც ენერგიას, უფლის იმედად იყავი, მიენდე და ყველაფერი გამოგივა.
გოლი!
აბა, ღმეთი შენსკენ
პროფესიონალია და მგონი ნელნელა ჩადგება ფორმაში.
გამორჩეულად ჭკვიანი მოთამაშეა!
პ.ს. კი ბატონო კრიტიკა აუცილებელია, კრიტიკულად ფიქრიც ძაან კარგია, მაგრამ ღვარძლიანობა რა უბედურებაა, ზოგი ისეთ რამეს წერს თითქოს უხარია წარუმატებლობა.