პირველ ტაიმში მამარდაშვილს ბევრი სამუშაო არ ჰქონია, თუმცა კიკე გარსიას დარტყმული რთული ბურთი მოიგერია. სტუმრები „ღამურებში“ სადებიუტო გოლით კლუივერტმა დააწინაურა, რომელსაც პასი კავანიმ გაუკეთა. შესვენების შემდეგ პამპლონელთა კარი დიახაბიმ დალაშქრა. 57-ე წუთზე მასპინძლებმა პენალტი მოიპოვეს, მაგრამ ავილამ მიზანს ვერ უწია. ცოტა ხანში „ვალენსიას“ შემტევი ლინო საჯარიმოში უნაი გარსიამ წააქცია, წითელი ბარათი მიიღო, თერთმეტმეტრიანიდან კი ბურთი კავანიმ ხარიხას გაარტყა.
ბოლოს მოედანზე სიტუაცია უკიდურესად დაიძაბა, შეცვლილმა დიახაბიმ სათადარიგოთა სკამზე მეორე ყვითელი ბარათი მიიღო, ბრაშანაცმა კომპენსირებულ დროში ანგარიში შეამცირა, ხოლო ზედ საფინალო სასტვენის წინ არბიტრმა პამპლონელთა მცველი პენა გააძევა.
„ვალენსია“ ამ მომენტისთვის 13 ქულით ქულით მეხუთე ადგილზეა და 15 ოქტომბერს „ელჩეს“ უმასპინძლებს.
პამპლონა. „ელ სადარი“. 20 260 მაყურებელი
ოსასუნა - ვალენსია 1:2
გოლები: 0:1 კლუივერტი (28), 2:0 დიახაბი (54), 1:2 ბრაშანაცი (90+4)
გამოუყენებელი პენალტი: ავილა (57), კავანი (70)
გაძევება: უნაი გარსია (69), პენა (90+6)
![alt](/pictures/image50/c7a9aee28410fa4e42af1f7be7c390be.jpeg "3 წითელი ბარათი, 2 გამოუყენებელი პენალტი და მამარდაშვილის "ვალენსიას" გამარჯვება "ოსასუნასთან"")
მამარდაშვილმა "ესპანიოლთან" ორი გოლი გაუშვა - "ვალენსიამ" ფრეს მიაღწია [VIDEO]
![მამარდაშვილის გაძევება და ლევანდოვსკის ჰეთ-თრიკი - "ვალენსია" "ბარსელონასთან" დამარცხდა [VIDEO]](/pictures/image7/d8b9c9a28bb35fa7c1b48ea2de4dceb8.jpg "მამარდაშვილის გაძევება და ლევანდოვსკის ჰეთ-თრიკი - \"ვალენსია\" \"ბარსელონასთან\" დამარცხდა [VIDEO]")
!["ვალენსია" სტუმრად "ბარსელონას" 2:1 ამარცხებს - მამარდაშვილი გააძევეს [VIDEO]](/pictures/image7/e03e6a751bd32359a37973692d5b9ddc.jpg "\"ვალენსია\" სტუმრად \"ბარსელონას\" 2:1 ამარცხებს - მამარდაშვილი გააძევეს [VIDEO]")
