მასპინძლები დიდ ტერიტორიულ და სათამაშო უპირატესობას ფლობდნენ, დიდი ძალებით უტევდნენ, კვარაცხელია ყველასგან გამორჩეული იყო, მეურვეები ვერ აკავებდნენ, ჯერ ეუხეშნენ და ტრავმას გადაურჩა, შემდეგ სამი ისეთი პასი გააკეთა, პარტნიორებს უთუოდ რომ უნდა გამოეყენებინათ, მაგრამ ვერ იხეირეს და დაისაჯენ კიდეც - კონტრშეტევაზე სტუმრები ზირკზეემ დააწინაურა. ზედ შესვენებაზე გასვლის წინ კი ჟეზუსმა ანგარიში გაათანაბრა.
შესვენების შემდეგ ხვიჩა ფლანგიდან მცველს გაექცა, ცენტრისკენ შეიწია, მისი დარტყმული ბურთი მეკარემ მოიგერია, ხოლო დამატებაზე ყველას ლოსანომ დაასწრო. მერე მერეტმა არგასაშვები გაუშვა და ბაროუმ თანაფარდობა აღადგინა. 69-ე წუთზე „კვარამ“ ფილიგრანული პასით ოსიმენი გოლკიპერს პირისპირ შეჰყარა და მან ნეაპოლელები წინ გაიყვანა. 81-ე წუთზე ზილენსკის შორიდან დარტყმული ბურთი რიკოშეტით ხარიხას მოხვდა და შეხვედრა 3:2 დასრულდა.
კვარაცხელიამ ამ სეზონში ყველა ტურნირზე 14 მატჩში 7 გოლი გაიტანა, 6 საგოლე გადაცემა გააკეთა და 3 პენალტი მოიპოვა.
„ნაპოლიმ“ ლიდერობა დაიბრუნა, მეორეადგილოსანი "ატლანტა" 2 ქულით ჩამოიტოვა და 23 ოქტომბერს გასვლაზე „რომას“ დაუპირისპირდება.
ნეაპოლი. „დიეგო მარადონა“
ნაპოლი - ბოლონია 3:2
გოლები: 0:1 ზირკზეე (41), 1:1 ჟეზუსი (45), 2:1 ლოსანო (49), 2:2 ბაროუ (51), 3:2 ოსიმენი (69)
![alt](/pictures/image50/dd4d6ecdc37fafdc7e049189decfc92e.jpg "დიდებული კვარაცხელიას მორიგი საგოლე პასი - "ნაპოლიმ" ლიდერობა დაიბრუნა [VIDEO]")
ხვიჩას ბრწყინვალე საგოლე პასი! "ნაპოლი" მძიმე მატჩს იგებს [VIDEO]![alt](/pictures/image50/432b3f43553b319deafbcec4151bcdff.jpg "დიდებული კვარაცხელიას მორიგი საგოლე პასი - "ნაპოლიმ" ლიდერობა დაიბრუნა [VIDEO]")
მატჩის დღე - კვარაცხელია მე-14 შეხვედრაში მერვე გოლის გასატანად!
