საფრანგეთის ლიგა 2-ის მე-15 ტურში გიორგი მიქაუტაძემ ჰეთ-ტრიკი შეასრულა.
„მეცმა“ გასვლაზე „პარიზს“ 4:1 სძლია, მიქაუტაძემ კი სამი გოლი გაიტანა (ორი პენალტით), ჩემპიონატზე შვიდმატჩიანი უგოლო სერია შეწყვიტა და 84-ე წუთზე შეცვალეს. ქართველის ანგარიშზე ტურნირზე ჩატარებულ 14 შეხვედრაში 7 გოლია.
„მეცი“ 21 ქულით მერვე ადგილზეა და 19 ნოემბერს თასზე სტუმრად „ესპინალს“ შეხვდება, ხოლო 26 დეკემბერს ჩემპიონატზე „ნიონს“ უმასპინძლებს.
პარიზი. „სტად შარლეტი“
პარიზი - მეცი 1:4
გოლები: 0:1 მიქაუტაძე (12, პენ), 0:2 მიქაუტაძე (23, პენ), 1:2 გილავოგი (28), 1:3 გუეი (63), 1:4 მიქაუტაძე
გაძევება: შერგი (20, პარიზი)
დღესვე „ბორდო“ 87-ე წუთზე გატანილი გოლით საკუთარ მოედანზე „პოსთან“ მარცხს გადაურჩა - 1:1.
მასპინძელთა გუნდის ნახევარმცველი ზურიკო დავითაშვილი 63-ე წუთზე შევიდა შეცვლაზე. ჟირონდული გუნდი 28 ქულით მეორე ადგილზეა, ლიდერ „ჰავრს“ 4 ქულით ჩამორჩება და ორი გასვლითი შეხვედრა ელის - 19 ნოემბერს თასზე „ტრელისაკთან“ და 26 დეკემბერს ჩემპიონატზე „ჰავრთან“.
ტრავმის მიუხედავად, მიქაუტაძემ ითამაშა - "მეცმა" გაიმარჯვა
![მიქაუტაძე: ჩეხეთში მოსაგებად უნდა წავიდეთ [VIDEO]](/pictures/image7/30b858b07fe112c8d0ba97d45658f578.jpeg "მიქაუტაძე: ჩეხეთში მოსაგებად უნდა წავიდეთ [VIDEO]")
