"ნაპოლის" იმ ფეხბურთელებისთვის, რომლებიც მუნდიალზე არ ასპარეზობენ, არდადეგები დასრულდა. ისინი დღეს "კასტელ ვოლტურნოს" ბაზაზე გამოცხადდებიან, ხვალ, 1-ელ დეკემბერს კი, თურქეთში 2-კვირიან შეკრებაზე გაემგზავრებიან. "პარტენოპეის" თურქეთში 3 ამხანაგური მატჩი ("კრისტალ პალასი", "ანტალიასპორი" და "კარაგიუმრუკი") აქვს დაგეგმილი.
რა თქმა უნდა, გუნდთან ერთად იქნება ქართველი ხვიჩა კვარაცხელია, რომელსაც ბოლოს ზურგის ტრავმა აწუხებდა და კლუბს ვერ ეხმარებოდა.
"ნაპოლი" სერია A-ს უკვე 2023 წელს, 4 იანვარს, "ინტერთან" საგარეო მატჩით განაახლებს.
