იტალიურ პრესაში ხვიჩა კვარაცხელიას ბოლოდროინდელ არასახარბიელო ასპარეზობაზე მსჯელობა არ წყდება. ჩვენი აპენინელი კოლეგები არაერთ სტატიას გვთავაზობენ, თუ რა არის ქართველის მცირე ჩავარდნის მიზეზები. უმრავლესობა თანხმდება, რომ ძველ "კვარას" მალე ვიხილავთ და ჩვენებურმა თავისი ძველი სახე "იუვენტუსთან" შეხვედრაში უნდა აღმოაჩინოს.
მაგალითისთვის, Corriere dello Sport-ის ჟურნალისტმა ივან ზაზარონიმ Ottochannel-ის გადაცემა La Domenica Azzurra-ში ხვიჩას შესახებ ისაუბრა:
"მიუხედავად იმისა, რომ მატჩის შემდეგ გარკვეული კითხვისა და შემაშფოთებელი ნიშნები გაჩნდა, ნაპოლისთვის" "სამპდორიასთან" გამარჯვება ძალიან მნიშვნელოვანი იყო.
"ინტერთან" წაგების შემდეგ გენუაში "პარტენოპეის" 3 ქულა აუცილებლად ესაჭიროებოდა.
ვიმედოვნებ, რომ ეს იმ იძულებითმა შესვენებამ გამოიწვია, რაც ქართველს ჰქონდა. აქ ორი ფაქტორია გასათვალისწინებელი.
პირველი გახლავთ ის, რომ კვარაცხელიას მეტოქე გუნდის მცველები უფრო და უფრო კარგად იცნობენ და მეორე გახლავთ ის, რომ ხვიჩა თავის გამბედაობას უნდა დაუბრუნდეს. მას აქვს თამაშის მართვის ინიციატივა, რომელიც ყოველთვის "კვარას" დამატებითი ღირებულება იყო", - ამბობს ზაზარონი.
Calciomercato: "კვარა" "იუვენტუსთან" განსაკუთრებული მატჩისთვის მზად უნდა იყოს
ხვიჩას "ნაპოლისთან" "იუვენტუსს" უჭირს - მეკარის გაძევება, ექსმოთამაშის დუბლი - 5 Top მატჩი [PHOTOS]
