"ბრნოს" 2:1 დამარცხების შემდეგ "სლოვანი" ავსტრიაში ამხანაგურ მატჩში ადგილობრივ "სტ. პოლტენს" დაუზავდა (2:2) და ისევ გამოიჩინა თავი გიორგი ჩაკვეტაძემ.
ჩაკვეტაძემ შეუცვლელად ითამაშა, აქტიური იყო, პირველ ტაიმში თანაგუნდელი ლოვატი მეკარეს პირისპირ შეჰყარა, მაგრამ მან შანსი ხელიდან გაუშვა. მეორე ტაიმში გიორგი საკუთარ საჯარიმოსთან ბურთს დაეუფლა, მეტოქეს გასცდა, პასი ვაისს გაუკეთა და მან მოწინააღმდეგის კარი დალაშქრა. ჩაკვეტაძეს თავადაც შეეძლო გატანა, თუმცა ორი მომენტი ვერ გამოიყენა.
ბრატისლავური გუნდის რიგებში 72-ე წუთამდე ითამაშეს გურამ კაშიამ და ჯაბა კანკავამ.
"სლოვანი" შემდეგ სპარინგს 28 იანვარს "ზალცბურგთან" გამართავს.
ზოგ ზოგებს ფეხბურთის ღრმა ანალიზის შესწავლა ჭირდება!
ბევრი ირბინა ორივე ტაიმი, დაუღლელად.
ძალიან მაგარი დრიბლინგი, ორი მოატყულა სისწრაფეზე და კლასიკური პასი თავზე გადაგდებით.
ყველაზე მეტად მიხარია სისწრაფე რომ აღიდგინა სრულად
მხოლოდ კარში დარტყმების სიზუსტე და ძალიან მაგარი გახდება!