დღეს "ნაპოლის" თავკაცი ლუჩანო სპალეტი ენცო ბეარზოტის სახელობის პრიზის მფლობელი გახდა, რომელიც იტალიის წლის საუკეთესო მწვრთნელს გადაეცემა. დაჯილდოების ცერემონიაზე სპალეტის ჰკითხეს, თავიდანვე იყვნენ თუ არა ახალწვეულები ხვიჩა კვარაცხელია და კიმ მინ ჯე მაღალ დონეზე სათამაშოდ მზად.
"ასეთი ეჭვები კლუბის პრეზიდენტ აურელიო დე ლაურენტისსაც ჰქონდა. თუმცა, როდესაც "კვარა" საქმეში ვნახე, ყველა ეჭვი გამიქრა. რუსეთში ჩემმა ნაცნობებმა მითხრეს, რომ ის ძალიან ძლიერი ფეხბურთელია.
პრეზიდენტი მენდობა, მაგრამ იმასთან დაკავშირებით შიშობდა, თუ რამდენი ხანი მოუნდებოდა ხვიჩას სერია A-ში ადაპტაციისთვის, რადგან საფეხბურთო ლიგებს შორის სხვაობაა.
ხვიჩამ დაამტკიცა, რომ ეს საზღვრები მცირდება. ამდენად, წინანდელისგან განსხვავებით, ახლა ახალ მექანიზმთან მორგება უფრო ადვილია", - უპასუხა სპალეტიმ.
![alt](/pictures/image50/743f26442af980e5a7c4d9aea625019a.jpg ""რატომ ეპარებოდა დე ლაურენტისს კვარაცხელიაში და კიმ მინ ჯეში ეჭვი?" - სპალეტიმ კითხვაზე უპასუხა")
"შეუძლებელია ხვიჩა დიდებამ და ფულმა გააფუჭოს" - რუბინის ყოფილი დირექტორი ქართველს ადიდებს 
