"მილანთან" ჩემპიონთა ლიგის პირველი მეოთხედფინალური მატჩის წინ "ნაპოლის" შეტევის ხაზში სერიოზული საკადრო პრობლემები აქვს. ვიქტორ ოსიმენმა და ჯაკომო რასპადორიმ დღეს ისევ ინდივიდუალურად ივარჯიშეს, ტრავმირებული ჯოვანი სიმეონეს თამაში გამორიცხულია და თუ სიტუაცია არ შეიცვალა, მწვრთნელ ლუჩანო სპალეტის სხვა არჩევანი, გარდა იმისა, რომ თავდამსხმელად ხვიჩა კვარაცხელია დააყენოს, არ დარჩება.
La Repubblica-ს ცნობით, სპალეტიმ ვარჯიშზე კვარაცხელია ცენტრფორვარდის პოზიციაზე გამოსცადა და შეიძლება "სან სიროზე" ცრუ ცხრიანის ამპლუაში სწორედ ის ვიხილოთ. ასეთ შემთხვევაში მარცხენა ფლანგზე ქართველის ადგილს ელიფ ელმასი დაიკავებს, მარჯვენა გარემარბი მატეო პოლიტანო ან
ირვინ ლოსანო იქნება, ნახევარდაცვაში კი თამაში მარიო რუის და მატიას ოლივეირასაც მოუწევთ.
დღეს დილით ოსიმენს სამედიცინო გამოკვლევას ჩაუტარებენ და ყველაფერი ამის შემდეგ გაირკვევა.
თუკი ხვიჩა ვიქტორს შეცვლის - კვარაცხელია ანრის გზაზე თუ ბესტის სტილში?
ოსიმენის შესახებ გადაწყვეტილება მიღებული არ არის - იტალიური გამოცემა ახალ დეტალებზე საუბრობს
