სერია A-ს 32-ე ტურში "ნაპოლი" "სალერნიტანასთან" ფრეს (1:1) დასჯერდა და საჩემპიონო ზეიმი გადაედო. ზოგიერთმა გულშემატკივარმა ნეაპოლელთა ნახევარმცველი ხვიჩა კვარაცხელია გააკრიტიკა. ქართველს ჟურნალისტი ჯუზეპე ესპოზიტო გამოექომაგა, რომელმაც Spazio Napoli-ში წერილი გამოაქვეყნა.
ხელები შორს კვარაცხელიასგან
"სალერნიტანასთან" მწარე საშინაო ფრის შემდეგ, მეორე ტაიმში გამოუყენებელი ორი ხელსაყრელი მომენტის გამო ბევრმა თითი ქართველი მარცხენა გარემარბისკენ გაიშვირა.
ალბათ, ეს ის "კვარა" არაა, რომელიც სეზონის დასაწყისში ყველა გუნდს არაორდინარული ბრწყინვალებითა და არანორმალური სწრაფი მოძრაობებით უტევდა. ამ ეტაპზე მისი რეალიზაციის პროცენტიც დაქვეითდა, მაგრამ ეს იმას არ ნიშნავს, რომ კრიტიკას
იმსახურებს.
ეს სწორედ ის ხვიჩაა, რომელმაც "ატალანტას" მთელი დაცვა მოატყუა და ბურთი ცხრიანში გაგზავნა - გოლი, რომელიც დიდხანს გვემახსოვრება. ეს სწორედ ის ფეხბურთელია, რომელიც "მარადონაზე" უცნობი მოვიდა და "მონცასთან" დუბლით თავი, როგორც ნამდვილმა ჩემპიონმა, წარმოაჩინა. ის იგივეა, ვინც ცივ გერმანულ საღამოს ჩემპიონთა ლიგაზე კაპიტან დი ლორენცოს ქუსლით საოცნებო საგოლე გადაცემა გაუკეთა.
სეზონის დასაწყისში არავინ ელოდა ასეთ სტარტს მოთამაშისგან, რომელიც გასულ წელს საქართველოს ჩემპიონატში ასპარეზობდა: სერია A-ში თავის პირველ წელს 12 გოლი გაიტანა და 10 საგოლე გადაცემა გააკეთა. ციფრები თავისთავად ყველაფერზე მეტყველებს. მან გულშემატკივრები კოსმიურ დონეს მიაჩვია და ახლა, როდესაც დამქანცავი სეზონის დასასრულს ბუნებრივი ფიზიკური ჩავარდნა აქვს, კრიზისზე ლაპარაკი მართებული არ არის.
სეზონის დასაწყისში არავინ ელოდა ასეთ სტარტს მოთამაშისგან, რომელიც გასულ წელს საქართველოს ჩემპიონატში ასპარეზობდა: სერია A-ში თავის პირველ წელს 12 გოლი გაიტანა და 10 საგოლე გადაცემა გააკეთა. ციფრები თავისთავად ყველაფერზე მეტყველებს. მან გულშემატკივრები კოსმიურ დონეს მიაჩვია და ახლა, როდესაც დამქანცავი სეზონის დასასრულს ბუნებრივი ფიზიკური ჩავარდნა აქვს, კრიზისზე ლაპარაკი მართებული არ არის.
ის ამ "ნაპოლის" ერთ-ერთი გმირია, რომელიც ქალაქს 33-წლიანი მოლოდინის შემდეგ ბოლოს და ბოლოს უდიდეს სიხარულს მოუტანს და რაც უნდა მოხდეს, კვარაცხელია სამართლიანად შევა ამ გუნდის ისტორიაში".
"ადრე მსგავს მომენტებს არ აფუჭებდა" - რას წერს იტალიური მედია "კვარაზე"
წარმატებები ხვიჩას!!! უფალი ფარავდეს!!!
მაპატიეთ თუ ზედმეტი მომივიდა,მაქსიმალურად ვცდილობ თავი შევიკავო,თუმცა რაღათქმაუნდა კვარას ჩემი დაცვა ნამდვილად არ სჭირდება…
კრიტიკას თუ ვინმე წერს, არგუმენტებებს ურთავს, აქაურებივით დივანზე წამოწოლილი, უსაქმური და უცოდინარი კომენტარებით კი არ შემოიფარგლებიან.
ხვიჩას ფორმა არ დაუკარგავს, ვინც ასე უყურებს ხვიჩას უგოლო თამაშებს, რომ ფორმა დაკარგა, მას უბრალოდ არ ესმის ფეხბურთი.
გოლის ვერ გატანა რომ ავტომატურად ფორმიდან ამოვარდნას ნიშნავს ეგ მიდგომა უფრო იმათ აქვთ,რამდენიმე ლარს რომ დადებენ კვარას გოლზე და წააგებენ.
ეგეთი ხალხი ფეხბურთს და საფეხბურთო ემოციას აფუჭებს. გგონია აზრს გამოთქვამს, უსმენ და სინამდვილეში რამდენიმე ლარის დაკარგვის გამოა გამწარებული, რა ფეხბურთი, რის კვარა :)