სერია A-ს 34-ე ტურში „კრემონეზემ“ სახლში „სპეციას“ 2:0 სძლია.
სტუმრები ინიციატივას ფლობდნენ, მომენტებიც შექმნეს, მაგრამ მოწოდების სიმაღლეზე იდგა მეკარე კარნეზეკი. პირველი ტაიმის დასასრულს მასპინძლები ჩიოფანიმ დააწინაურა. მეორე ტაიმში თამაშის სურათი არ შეიცვალა, ერთი გუნდი უტევდა, მეორემ კი მეორე გოლი გაიტანა - საჯარიმოში ჩაწოდებულ ბურთს ვასკესმა სადებიუტო გოლით მეტოქის კარში მიუჩინა ადგილი.
კრემონელთა მცველმა ლუკა ლოჩოშვილმა შეუცვლელად ითამაშა და მორიგი კარგი მატჩი ჩაატარა.
„კრემონეზე“ ყველა ტურნირზე ბოლო 4 შეხვედრაში დაუმარცხებელია, 24 ქულით მე-19 ადგილზეა, ლიგაში ადგილის შენარჩუნების შანსი გაუჩნდა და 14
მაისს გასვლაზე „იუვენტუსს“ შეხვდება.
კრემონა. „ჯოვანი ძინი“
კრემონეზე - სპეცია 2:0
გოლები: 1:0 ჩიოფანი (42), 2:0 ვასკესი (77)
![alt](/pictures/image50/59a77e9f90fe3aaaef48d7309cc19051.jpg "ლოჩოშვილის მორიგი კარგი მატჩი და "კრემონეზეს" მნიშვნელოვანი გამარჯვება")
უდიდეს სენსაციასთან ახლოს - ლოჩოშვილის "კრემონეზემ" "მილანთან" გამარჯვება ხელიდან გაუშვა [VIDEO]
