РБ Спорт-ი დიდი ხანია ავრცელებდა ინფორმაციებს, რომ მოსკოვის "ლოკომოტივის" 23 წლის ნახევარმცველი კონსტანტინე მარადიშვილი საქართველოს მოქალაქეობას მიიღებდა, რაც რუსულმა მედიამ ყოველ ჯერზე უარყო. და აი, აღნიშნულმა გამოცემამ უკვე კონკრეტული სიახლე გვამცნო:
"ჩვენი ინფორმაციით, კონსტანტინე მარადიშვილის მიერ საქართველოს მოქალაქეობის მიღება დასკვნით სტადიაზეა.
ფეხბურთელი არასოდეს არ გამოუძახიათ რუსეთის ნაკრებში, ამიტომ ყოველგვარი პრობლემის გარეშე შეუძლია საქართველოს ეროვნულ გუნდში ითამაშოს. РБ Спорт-ისთვის აგრეთვე ცნობილი გახდა, რომ მარადიშვილისთვის საქართველოს მოქალაქის პასპორტის მიღება დაჩქარებულ რეჟიმში მიმდინარეობს. საქართველოს ნაკრების სამწვრთნელო შტაბი უკვე იმედებს ამყარებს მარადიშვილზე და ევროპის
ჩემპიონატის შესარჩევ ციკლში კვიპროსთან (17 ივნისს) და შოტლანდიასთან (20 ივნისს) მატჩებისთვის გამოძახებას გეგმავს.
მიმდინარე სეზონში მარადიშვილმა "ლოკომოტივის" რიგებში 24 მატჩში 1 გოლი გაიტანა და 4 საგოლე გადაცემა გააკეთა".
ლამის მარადი კითხვა - შეიცვლის თუ არა მარადიშვილი მოქალაქეობას?
პრორუსული მთავრობა ცდილობს მიგაჩვიოთ იმ აზრს, რომ რუსი ჰოკეისტკები და ფიგურისტკები გვჭირდება ძალიან და ამიტომ რუსებთან უნდა ვიმეგობროთ.
საქართველოში ჩამოდიან რუსები, ყიდულობენ უძრავ ქონებას და სხვა რუსებს ასწავლიან ამის გაკეთებას.
მომრავლდა ასეთი YouTube არხები, ოკუპანტებს საქართველოში რომ ეპატიჟებიან.
ეს შემთხვევითი პროცესი არ არის. ეს არის რუსეთის სპეცსამსახურის მიერ დაგეგმილი და კოორდინირებული ოპერაცია.
მოდით პრაგმატულად შევხედოთ სიტუაციას, გავიხსენოთ რამდენი ფეხბურთელი დაგვიღუპა რუსეთმა, მარტო ასათიანის და ჯანოს დასახელებაც კმარა.
ვათამაშოთ ეს ბიჭი ნაკრებში, თუ ივარგა ხომ კარგი, თუ არადა რუსეთის ნაკრებში ვეღარ ითამაშებს და მერე კისერი უტეხიათ.